Андан бери коронавирус жуктуруп алгандардын саны күн сайын өсүп, бир адам көз жумду. А бирок оорудан сакайып кеткендер да бар.
Коронавирустун жайылып кетишин алдын алдын алуу максатында бийлик Бишкек баш болгон бир нече шаарга жана райондорго өзгөчө абал киргизди.
Sputnik Кыргызстан абал боюнча бүгүн да окурмандарга текст, фото жана видео түрүндө маалымат берүүсүн улантат.
Жалал-Абад шаары менен Сузак районунун коменданты Жеңишбек Жоробеков шаар ичиндеги соода жайларына капыстан барып, санитардык элементардык эрежелер сактабаган тараптарга айып салынды.
Эске салсак, Кыргызстандын аймактарынын ичинен коронавирус аталган облуста көп катталдууда.
Видео Жалал-Абад облусунун Медиа борборунан алынды.
ЖАЛАЛ-АБАД. Өкмөт тарабынан бөлүнгөн ун өз дарегине жеткирилүүдө. Тийиштүү тармактардан жана Жалал-Абад шаардык кеңешинин депутаттарынан түзүлгөн комиссия иштеп жатат.
Маалымат Жалал-Абад мэриясынын маалымат кызматынан алынды
Ош облусунун Кара-Суу районундагы обсервацияга алынган жарандар бүгүн Кашкар-Кыштак айыл аймагындагы 65 орундуу жеке клиникага которулду.
"Алар дарыгерлердин көзөмөлүндө, дары-дармектер жетиштүү.
Мындан ары обсервация иштеринин алгоритми өзгөртүлгөн. Кытай мамлекетинен алынып келинген ыкчам тесттер менен текшерүү аркылуу жыйынтык чыгарылат, COVID-19 байкалбаган жарандар үй карантинине чыгарылып көзөмөлдөөдө болот" - деп билдиришти Республикалык штабдан.
Бул маалыматта Жалал-Абад облустук медициналык штабдын жетекчисинин орун басары Урмат Боржиев түз эфир учурунда айтты.
“Департаменттин бир адисинен коронавирус чыккан. Ал өлкөдөгү вирус табылган дарыгерлердин бири. Ал кесиптеши менен байланышта болгону үчүн жалпы кызматкерлерд үйлөрүнө жибербей, санаторий-курорттун жана департаменттин имаратында обсервацияда кармап жатабыз. Ар ким өз бөлмөсүнө иштеп жатат. Эгер алар толугу менен обсервацияга кетип калсак, иштегенге киши жок калат”, - деди Боржиев.
Жусупбекова ата-энелерге кайрылып, алардан балдардын аралыктан билим алуусун тиешелүү шарттарды түзүп берүүнү өтүндү.
Жусупбекова: Билим берүү жана илим министрлиги 2020-2020-окуу жылындагы IV чейректи аралыктан окутуу боюнча чечим чыгарды.
Бул туурасында Жалал-Абад облустук медициналык штабдын жетекчисинин орун басары Урмат Боржиев түз эфир учурунда билдирди.
"Жети дарыгерден коронавирус чыгып калганына ичибиз кайышып турат. Кызматкерлер жеке сактануу боюнча каражаттарды кийип алып киришкен, бирок ага карабай жугуп калды. Бул укмуштуудай зыянкеч вирус экен. Окуя боюнча атайын атайын комиссия бар, көрүп, тактап, тиешелүү жетекчилер жообун берет” - деди Боржиев.
Бул туурасында Ош шаары жана Ноокат, Кара-Суу райондорунун коменданты Малик Нурдинов түз эфир учурунда билдирди.
Ал Ош облусунун жана ички аскер кызматкерлеринин аскерлери умрадан келгендерди кайтаргандыктан, медициналык талап боюнча үч күнгө карантинге алынганын билдирди.
“Бирок Ноокат районундагы бир кызматкердин аялы умрадан келгендер берген тойго барган экен, аны менен аялын обсервацияга алдык. Болгону бир кызматкерде шек бар “, - деди Нурдинов.
“Бул маселе жөнгө салынды. Коменданттык саат учурунда тартип бузду деп эч ким кармалган жок. Райондордо жана айыл өкмөттөрдө аларды карай турган жай ачылган. Эгерде андай адамдарды ээн-эркин жүргөнүн көрсөңөр билдирип койгула”, - деди Нурдинов.
Ош шаары жана Ноокат, Кара-Суу райондорунун коменданты Малик Нурдинов түз эфир учурунда райондук ооруканадагы дарыгерлерге кайрылды.
"Кечээ постто тургандар шаарга кирип келе жатканды текшергендер бир фактыны аныкташты. Ал "дарыгердин берген кагазы бар" деп тартип сакчыларга көрсөтүптүр. Карай келгенде эркек кишиге берилген кагаз гинекологго берилген жолдомо болуп чыккан. Андыктан, райондук дарыгерлерге айтарым, справка берип жатканда карап бергиле”, - деди Нурдинов.
Бүгүн, 4-апрелде Бишкектеги Республикалык клиникалык инфекциялык ооруканасынан жана Аксы аймактык ооруканасынан 3 бейтап коронавирустан айыгып, ооруканадан чыгарылды.
Алар 24-25 жаштагы эки эркек жана 45 жаштагы аял.
Бул маалыматты Республикалык штабдан кабарлашты.
"Бишкекте азык-түлүк менен дарыларды жеткирүү кызматтары иштеп жатат, андай компанияларга шаарда жүрүүгө уруксат кагаздары берилген деди", - деди Орозалиев.
Орозалиев шаардыктардан улгайган жалгыз бой кишилерди жана ата-энелерин кароосуз калтырбоону өтүндү. Алардын оору тез жугуп калышы мүмкүн деп аталган топко кирерин кошумчалады.
“Аларга көз салып, кароону суранабыз. Алар тобокелдик тобуна кирет”, - деди Орозалиев.
Орозалиев: Учурда шаарда азык-түлүк ташыгандарга 2860, ал эми медициналык кызматкерлерге жана дары менен камсыз кылып иштегендерге 789 өткөрмө уруксат кагазы берилген.
Орозалиев:Бишкек шаары боюнча коменданттык саат учурунда 99 жаран кармалды. Алардын ичинен 85и эркек, 14ү аял. Бишкекте кылмыштарды саны, анын ичинен уурулук кылуу азайды.
7 – Жалал-Абад облусунда, 1 – Бишкекте, 1 – Ошто
Ноокат районунда дарыланып жаткан 59 жаштагы эркек кишинин абалы оор.
Ош шаарында 45 жаштагы эркек кишинин абалы өтө оор. 1-апрелден тарта жасалма дем алдыруучу аппаратка кошулган.
Ош шаарында 43 жаштагы аялдын абалы оор.
Ош шаарын 60 жаштагы дагы бир аял оор абалда жатат, эки күн мурда инсульт алган, жасалма дем алдырылууда.
Нарын шаарында 60 жаштагы аялдын абалы оор, жасалма дем алдырууга муктаж.
Жалал-Абад шаарында 33 жаштагы жигиттин абалы оор, бүгүн палатага которулат.
Бишкек – 1
Ош облусунда – 5
Ош ш. – 2
Жалал-Абад облусунда – 6
Бишкек – 15
Ош ш. – 12
Ош облусунда – 35
Баткен облусунда – 3
Жалал-Абад облусунда – 67
Чуй облусунда – 6
Исык-Көл облусунда – 2
Нарын обслусунда – 4
"Тилекке каршы, коронавирус жуктуруп алгандардын арасында медицина кызматкерлери да бар. Кечээ алар 8 болчу бүгүн дагы бирөө кошулуп, тогузга жетти. Алардын баары коронавирус алып жүрүүчүлөр", - деди Саламаттыкты сактоо министрлигинин ыкчам штабынын жетекчисинин орун басары Касымбек Мамбетов.
Ыкчам IT-штаб тарабынан бир катар санариптик продуктулар түзүлүп, ишке киргизилген.
Алар:
www.covid.gov.kg. — өлкөдөгү коронавирус инфекциясына байланыштуу акыркы маалыматтар жайгаштырылып жаткан интернет-ресурстар.
www.hidoctor.kg. — оорунун коркунуч жаратуучу белгилери пайда боло баштаган жаранга өз алдынча алгачкы диагностика жүргүзүүгө мүмкүнчүлүк берүүчү ресурс.
1312.tunduk.kg. — Бишкек шаарынын комендатурасы менен биргеликте, Бишкек шаарында өлкөнүн аймагында транспорт менен жүрүүгө электрондук уруксат кагаздарын берүү системасы.
"Үйдө отуруп, санариптик техникаларды өздөштүрүп, санариптик кызматтарды колдонууга чакырам", - деди Догоев.
Догоев: түзүлгөн кырдаалдан улам Комитеттин базасында жеке сектордун катышуусу менен курамына ата мекендик жана жалпы дүйнө жүзү боюнча 400 IT адисинин башын бириктирген ыкчам IT-штаб уюшулганын билдирди. Бул адистер өз ыктыяры менен жана акы төлөнбөгөн негизде иштеп жатышат.
Дастан Догоев ыкчам IT-штабдын маанилүү багыттарынын бири Республикалык ыкчам штабдын ишине көмөктөшүү болуп саналарын белгилеп өттү.
Догонв: Комендатурага көмөк көрсөтүп, уруксат кагаздарын электрондук система менен берүү боюнча иш алып баруудабыз. Жалпысынан, 1259 арыз түшсө, анын ичинен 413үнө уруксат кагазы берилди.
7901 арызга ар кыл себептер менен уруксат берүүдөн баш тартылган. Азыр 40 форматта түшкөн арыздар кароо этабында турат.
Догоев: Эки жумада бир нече ыкмаларды киргиздик. Бир нече сайттарды, маалымат алуу ыкмаларын ишитеп чытктык. Жарандар өзүнө-өзү диагностика кылуу боюнча бир нече сайттар кирди. Ал азыр колдонулууда.
Догоев: Учурда ар бирибиз дүйнөдө өзгөчө абал болуп, убактылуу кыйынчылыктардан өтүп жатабыз. Бул күнүмдүк жашообузду алмаштырып, башкача форматка алып барууга түрткү болууда.
