16:24 04 Кулжа 2020
Түз эфир
  • USD73.9200
  • EUR82.8348
  • RUB1.0711
Коом
Кыскача шилтеме алуу
180 0 0

Азыркы тапта ТИМ менен Кыргызстандын Россиядагы элчилиги мекенге кайтууну каалаган Оренбург облусунун Соль-Илецк районундагы кыргызстандыктарга жардам берүүгө аракет кылууда.

БИШКЕК, 4-апр. — Sputnik. Кыргызстандын жүзгө жакын жараны Россия менен Казакстандын чек арасынын ачылышына чейин Оренбург облусунун Соль-Илецктеги мейманканаларына жайгаштырылды. Бул тууралуу Республикалык штабдан кабарлашты.

Ага ылайык, азыркы тапта ТИМ менен Кыргызстандын Россиядагы элчилиги мекенге кайтууну каалаган Оренбург облусунун Соль-Илецк районундагы кыргызстандыктарга жардам берүүгө аракет кылууда.

"Учурда 100гө жакын кыргызстандык Соль-Илецк шаарынын мейманканаларына жайгаштырылды. 15ке чукул айдоочу өз каалоосу менен автоунааларында калууда", — деп айтылат маалыматта.

Буга чейин Кыргызстан казак тарапка мекендештерине транзиттик өткөрмө уюштуруп берүү боюнча кайрылган. Бирок Казакстанда өзгөчө абал режиминин жарыяланышы жана оор эпидемиологиялык кырдаалга байланыштуу коңшу мамлекет баш тартып койгону айтылды.

"Казакстанда жарыяланган өзгөчө абал режиминин шартында Россия-Казакстан чек арасын ачуу азырынча мүмкүн эмес", — дешти штабдан.

Эске салсак, коронавируска байланыштуу чет мамлекеттерден бир топ кыргызстандык мекенге кайта албай жатат. Алардын маселеси каралууда. Алсак, 3-апрелде Новосибирск облусунун “Толмачево” эл аралык аэропортунда КРге учуп кетчү 132 кыргызстандыкты жайгаштыруу маселеси чечилди.

Тема боюнча

Россияда коронавирусту аныктоочу дагы бир тест-система чыга баштады
120 кишинин абалы орточо оор... КРде коронавирус жуктургандардын саламаттыгы
Бишкек коменданты: сак болгула, инкубациялык мөөнөтү аяктагандар чыга баштайт
Белгилер:
коронавирус, чек ара, Казакстан, Россия, Кыргызстан

ЭҢ МААНИЛҮҮ