23:23 30 Бугу 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
Кытайдагы жаңы типтеги коронавирус (748)
89 0 0

Кыргызстандык айдоочулардын визасын бекер узартуу жана мөөнөтү бүтүп калган визага айып төлөбөө боюнча эки тараптык макулдашуу болгон.

БИШКЕК, 17-мар. — Sputnik. Ирандан чыга албай калган кыргызстандык айдоочулардын бардыгы транзиттик-бажы документтерин толтуруп, Иран-Азербайжан чек арасын көздөй жылды. Бул тууралуу Тышкы иштер министрлигинен кабарлашты.

Буга чейин социалдык тармактарда алыска жүк ташыган айдоочулардын видеосу чыгып, коронавирустан улам Ирандан чыга албай калышканын, тамак-ашы менен күйүүчү майы түгөнгөнүн айтышкан. Азербайжан менен чектешкен Астара шаарында дагы 18 айдоочу бар экени маалым болгон.

Кийин ТИМ бул маселеге киришип, Иранда калган айдоочуларды Азербайжан өткөрмөй болгонун кабарлаган.

"Эки өлкөнүн ТИМ жетекчилери жана дагы буга тиешелүү Ирандагы ведомстволор менен сүйлөшүүлөр жүрдү. Айдоочулардын визасын бекер узартуу жана мөөнөтү бүтүп калган визага айып төлөбөө боюнча макулдашуу болду", — деп айтылат маалыматта.

Кыргызстандын транспорт жана жолдор министри Жанат Бейшенов ирандык кесиптеши Мохаммад Эслами менен сүйлөшүп, айдоочулардын транзиттик жыйымдан бошотулары макулдашылган.

Белгилей кетсек, коронавирустун жайылуу кооптуулугунан улам Азербайжан 29-февралдан тарта Иран менен чек арасын убактылуу жапкан.

Тема:
Кытайдагы жаңы типтеги коронавирус (748)

Тема боюнча

Казакстан менен Өзбекстан транзиттик жүктү гана өткөрүп жатат
Мунай баасынын өзгөрүшү постсоветтик өлкөлөргө кандай таасир этет? Саресеп
Белгилер:
министр, макулдашуу, коронавирус, айдоочу, Иран, Кыргызстан

ЭҢ МААНИЛҮҮ