03:15 06 Кулжа 2020
Түз эфир
  • USD74.2343
  • EUR84.1186
  • RUB1.0816
Коом
Кыскача шилтеме алуу
628 0 0

Айлана-чөйрөнү коргоо агенттиги сууга мунайзат куюлганын билдирсе, облус жетекчилиги негизги себеби башкада экенин айтууда.

БИШКЕК, 12-мар. — Sputnik. Айлана-чөйрөнү коргоо жана токой чарба мамлекеттик агенттиги Аламүдүн суусунун жашылданышы боюнча анализдин жыйынтыгын чыгарды.

Эске салсак, дарыя жашыл түскө боёлуп калган видео 29-февраль күнү интернетке тараган.

Текшерүүнүн натыйжасында Аламүдүн дарыясына 29-февралда курамында жогорку концентрация бар мунайзат куюлганы аныкталган.

"Суунун үлгүсүнө жасалган химиялык изилдөөнүн жыйынтыгында белгиленген нормадагы концентрацияда азот аммонийи 2-4 эсеге, азот нитраты 11-45 эсеге жогору болгону аныкталды. Ал эми топурактын үлгүсүн текшергенде белгиленген нормадагы концентрацияда азот нитраты 2-13 эсеге, цинк 2,4 эсеге, жез 1,63 эсеге, коргошун 2,63 эсеге жогору болгон. Фондук концентрация менен салыштырганда темир 40 эсе, мунайзат 695 эсеге чейин жогору болуп чыкты", — деп жазылат билдирүүдө.

Бул изилдөөнүн жыйынтыгы боюнча чара көрүү Мамлекеттик экотехинспекциясына сунушталган.

Бирок өкмөттүн Чүй облусундагы өкүлчүлүгү суунун жашыл түскө боёлушунун негизги себеби мында эмес экенин айтууда. Алар сууга боёк төгүлгөнүн билдиришти.

"Айлана-чөйрөнү коргоо жана токой чарба мамлекеттик агенттигинин маалыматы анча так эмес. Мунайзат кошулганда суу жашыл болбойт. Сууга мунайзат кошулганы чын, бирок ал 29-февралда куюлган эмес. Себеби андан кийин текшергенде дагы ушундай эле жыйынтык чыгууда. 1-мартта эле милиция, Санитардык-эпидемиологиялык көзөмөл борбору, Экотехинспекция жана жергиликтүү бийликтин өкүлдөрү текшерип чыкканда дарыяга таштанды төгүлгөнү белгилүү болгон. Ошол таштандынын арасынан боёк сыяктуу зат табылган. Жада калса этикеткалары да чыккан. Аны сууга аралаштырып көргөндө видеодогудай жашыл болуп калган. Учурда ал таштандыны ким төккөнү териштирилип жатат", — деп айтылат маалыматта.

Ал эми мунайзат дарыянын жээгинде автоунаа жуучу жайлардан чыккан саркынды суудан болушу мүмкүн деген шек бар. Мунун себебин иликтөө үчүн бүгүн облус жетекчиси Алтынбек Намазалиев кеңешме өткөрүп, тийиштүү органдарга тапшырма берген.

Тема боюнча

Өкүлчүлүк: Аламүдүн суусуна белгисиз затты ыргыткан, суу чындыгында жашыл
Күн ачык болот. Дем алыш күндөргө карата аба ырайы
Белгилер:
Чүй облусу, изилдөө, Аламүдүн дарыясы

ЭҢ МААНИЛҮҮ