04:39 03 Чын Куран 2020
Түз эфир
  • USD84.8988
  • EUR92.7010
  • RUB1.0895
Коом
Кыскача шилтеме алуу
686 0 0

Буга медиктердин алты күндүк иш графиги себепкер. Министрликтин Бишкек шаардык башкармалыгынын жетекчиси Бактыгүл Исмаилованын айтымында, дарыгерлер жумушка 2-январь күнү эле чыгышкан.

БИШКЕК, 8-мар. — Sputnik. Эртең, 9-мартта, Кыргызстан боюнча ооруканалар менен бейтапканалар иштебейт. Бул тууралуу Саламаттык сактоо министрлигинин маалымат кызматы кабарлады.

Буга медиктердин алты күндүк иш графиги себепкер. Министрликтин Бишкек шаардык башкармалыгынын жетекчиси Бактыгүл Исмаилованын айтымында, дарыгерлер жумушка 2-январь күнү эле чыгышкан.

"Жаңы жылдагы эс алуу күндөрү боюнча чыккан өкмөттүн токтому беш күндүк иш жуманын графиги боюнча иштеген мамлекеттик кызматкерлерге тиешелүү. Ал эми дарыгерлер 2-январь күнү эле жумушка чыгышкан. Майрам, эс алуу күндөрүн жылдыруу Саламаттык сактоо министрлигине тиешелүү эмес, биз календарь боюнча гана иштейбиз. Эгер майрам ишемби күнгө дал келсе, ал күн кадимкидей эс алуу күнү болот дагы, апта башында алты күндүк график менен иштегендер жумушка чыгышат. Ал эми 8-март жекшембиге дал келгендиктен ооруканалар менен бейтапканалар 9-мартта эс алышат", — деди Исмаилова.

Анткен менен ар бир ооруканада нөөмөттө дарыгерлер турары кошумчаланды.

Эске салсак, 2020-жылы кыргызстандыктар жаңы жылда 7 күн катары менен, 1-январдан 7-январга чейин эс алышкан. Бул тууралуу өкмөттүн токтому чыккан. Анда 9-марттагы дем алыш күнү (8-март майрамы дем алышкан туш келгендиктен) 3-январдагы иш күнүнө жылдырылган эле.

Тема боюнча

2020-жылдагы майрам жана дем алыш күндөр. Календарь
Белгилер:
майрам, дем алыш, оорукана, Кыргызстан

ЭҢ МААНИЛҮҮ