БИШКЕК, 28-фев. — Sputnik. Коронавирустун жайылышын алдын алуу боюнча республикалык штаб оору күч алган өлкөлөрдүн жарандарын Кыргызстанга киргизүүгө тыюу салды. Бул туурасында өкмөттүн маалымат кызматы билдирди.
Мындай сунуш Саламаттык сактоо министрлиги тарабынан берилген. Натыйжада Кытай, Иран, Япония, Түштүк Корея жана Италиянын жарандарын өлкөгө киргизүүгө 1-марттан тарта убактылуу чектөө киргизилмей болду.
Мындай чектөө эпидемиологиялык кыйын кырдаал жаралган мамлекеттерден адамдар тынымсыз келип жаткандыктан киргизилген.
Ошондой эле жыйында бир миллион даана медициналык бет капты аткезчилик жол менен өлкөдөн чыгарып бараткандар кармалганы айтылды.
Республикалык штаб кыргызстандыктарды эл көп чогулган жерден оолак болууга чакырып, көп адам катышкан иш-чараларды өткөрбөй турууну сунуштап жатат.
Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери
