15:05 29 Жалган Куран 2020
Түз эфир
  • USD80.2015
  • EUR88.3099
  • RUB1.0318
Коом

Шекер менен ун жеп отура беребизби? Аткаминердин жообу депутатты таң калтырды

Кыскача шилтеме алуу
812 0 0

Жыйында парламентарий тамак-аш коопсуздугун камсыздоо боюнча өкмөттүн кандай даярдыгы бар экенин сурады.

Кыргызстандын Материалдык резервдер фондунда буудай менен кумшекерден башка эч бир азык-түлүк сакталбайт. Бул туурасында парламентте аталган фонддун жетекчиси Каныбек Айдаров билдирди.

Жыйында депутат Улугбек Ормонов кыргызстандыктардын тамак-аш коопсуздугун камсыздоо боюнча өкмөттүн даярдыгын сурады.

"Материалдык резервдер фондунда тамак аштын эки түрү бар. Буудай жана кумшекер менен камсыздоого даярбыз. Мыйзам боюнча тамак-аштын ушул эки эле түрү сакталат", — деди Айдаров.

Депутат "андан башка эч нерсе жокпу?" деп таң калуу менен кайра сураганда ал "жок" деп жооп берди.

Мындан улам Ормонов мындай кырдаал баарын чочутуп, коркута турганын белгилеп, биринчи вице-премьер Кубатбек Бороновго кайрылды.

"Негизги керектелүүчү тамак-аштын корун түзүү боюнча иштер жүрүп жатат. Чынында кээ бир иштер боюнча маселелер бар. Илгери союздун убагында көп жылга чейин тамак-аштын корун түзүү боюнча атайын мамлекеттик деңгээлде иштер жүргүзүлгөн. Бирок азыркы шарттар боюнча көбүн ал жакта сактабай калганбыз", — деди Боронов.

Андан тышкары, биринчи вице-премьер бул жашыруун маалымат экенин айтып, чечүү жолдорун кат жүзүндө жөнөтөрүн айтты.

Ал эми депутат Таабалды Тиллаев коронавируска байланыштуу көп өлкөлөр чек арасын жаап жатканын белгилеп, эгер кырдаал курчуп кетсе, кыргызстандыктар "буудай менен кумшекер жеп эле отуруп калабы?" деп нааразы болду.

Тема боюнча

Быйыл дыйкандар эмнелерди эксе болот? Айыл чарба министрлигинин кеңеши
Айыл чарба министри быйыл картошканы азайтып, башка өсүмдүк эгүүнү сунуштады
Белгилер:
Кумшекер, Буудай, тамак-аш, айыл чарба

Дагы видео

ЭҢ МААНИЛҮҮ