19:27 09 Теке 2020
Түз эфир
  • USD77.7979
  • EUR88.1334
  • RUB1.0976
Коом
Кыскача шилтеме алуу
94 0 0

Эки күндүн ичинде УКМК жалган маалымат тараткан эки шектүүнү кармады. Алар "шаардагы соода борборлорунда теракт болот" деп айтышкан.

БИШКЕК, 25-фев. — Sputnik. Instagram социалдык тармагына "Чынар" соода борборунда теракт болот" деп жазган шектүү кармалды. Бул тууралуу УКМКнын маалымат кызматы кабарлады.

Белгилүү болгондой, News.kg маалымат порталынын жаңылыгынын алдына колдонуучулардын бири: "Бүгүн саат 17:30да "Чынар" соода борборунда теракт болот. Жанкечти даяр, анын ата-энесине 2 миллион АКШ доллары төлөндү", - деп комментарий калтырган.

Аталган факты КР Кылмыш-жаза кодексинин 239-беренесинин 1-бөлүмү ("Терроризм акты, башкача айтканда адамдарга өлүм коркунучун жаратуу") боюнча Кылмыш жана жоруктардын бирдиктүү реестрине катталган.

УКМК соцтармак колдонуучусун тапты. Ал 18 жаштагы Чүй облусунун тургуну болуп чыкты. Шектүү тергөө башкармалыгына жеткирилген.

"Сурактын жүрүшүндө киши жасаган ишине өкүнүп жатканын билдирди. Террордук акт тууралуу маалымат тастыкталган жок. Учурда тергөө амалдары уланууда", — деп жазылат маалыматта.

Буга чейин "Бишкектеги соода борборлордун биринде теракт болот" деп жалган маалымат берген "телефон террорчусунун" ким экени такталган.

УКМК террордук акт жасоо жана коркутуу кылмыш болуп эсептелинерин, мындай ишке баргандар 7 жылдан 10 жылга чейин эркинен ажыратыларын эскертти.

Тема боюнча

Ысык-Көл: мас делген айдоочу жеңил унааны жолдон сүрүп чыгарып салды
Бишкек: мас болуп Lexus айдаган киши 24 миң сомдук айып пулга жыгылды
Белгилер:
кармоо, жалган маалымат, теракт, УКМК

ЭҢ МААНИЛҮҮ