15:27 19 Бирдин айы 2020
Түз эфир
  • USD69.8406
  • EUR75.6129
  • RUB1.0952
Коом
Кыскача шилтеме алуу
126 0 0

Саламаттык сактоо министринин орун басары Мадамин Каратаев министрлик 2019-жылы тушуккан көйгөйлөргө токтолгон.

БИШКЕК, 7-янв. — Sputnik. Кыргызстандагы саламаттык сактоо жаатындагы башкы көйгөй — бөлүнгөн акчанын аздыгы. Бул тууралуу саламаттык сактоо министринин орун басары Мадамин Каратаев Sputnik Кыргызстан радиосунун эфиринде айтты.

Анын айтымында, бир кишинин медициналык тейлөөсүнө жылына бөлүнгөн каражат коңшу мамлекеттердикине салыштырмалуу дээрлик 10 эсеге аз.

"Бизден көп учурда эмне үчүн көрсөткүчүңөр коңшулардыкына караганда төмөн деп сурашат. Анткени бир кыргызстандыктын саламаттыгы үчүн жылына 43 доллар бөлүнөт, ал эми Казакстанда 400 доллардын тегерегинде, Россиянын аймактарына жараша 650дөн 700 долларга чейин акча каралган", — деди Каратаев.

Министрдин орун басары Дүйнөлүк саламаттык сактоо уюмунун статистикасы боюнча мамлекеттик саламаттык сактоо системасын өз калыбында кармап туруу үчүн өлкөнүн ИДПсынын беш пайыздан кем эмес өлчөмү бөлүнүшү керектигин белгиледи. Ал эми Кыргызстанда бул көрсөткүч 2,7 пайызды гана түзөт, эл аралык донорлордун каржылоосун эске алганда 3 пайызга чамалап барат.

Каратаев өз сөзүндө былтыркы жылдын жыйынтыгы менен төрөттөн каза тапкан аялдардын саны азайганын кошумчалады.

Тема боюнча

Каратаев: 2019-жылы төрөттөн каза болгон энелердин саны 10,5%га азайды
Мамбетов: тукумсуздукту шарттаган варикоцеле оорусу башында сезилбейт
Белгилер:
Россия, Казакстан, Кыргызстан, акча, каржылоо, саламаттык сактоо

ЭҢ МААНИЛҮҮ