13:06 26 Бирдин айы 2020
Түз эфир
  • USD69.8500
  • EUR75.8850
  • RUB1.0759
Коом
Кыскача шилтеме алуу
71 0 0

Ооруну алдын алуу жана эпидемияга каршы иш-чараларды өз убагында өткөрүү максатында окуучулардын жана мектепке чейинки билим берүү мекемелеринде илдеттин мониторинги күчөтүлгөн.

БИШКЕК, 24-дек. — Sputnik. Үстүбүздөгү жылдын 51-жумасында (16-23-декабрь) 50-жумага салыштырмалуу курч респиратордук вирустук инфекция  (КРВИ) менен ооругандардын саны 24 пайызга өстү. Бул тууралуу Саламаттыкты сактоо министрлигинин маалымат кызматынан билдиришти.

Ага ылайык, 51-жумада ооругандардын саны 6836 болсо, андан мурдагы жумада 5182 учур катталган.

"Ошол эле убакта былтыркы жылдын ушул мезгилине салыштырмалуу 22 пайызга төмөндөшү белгиленген. Анда 8628 учур катталган", — деп айтылат маалыматта.

Саламаттыкты сактоо министрлиги белгилегендей, учурда республикада сасык тумоо жана курч респиратордук вирустук инфекция боюнча эпидемиологиялык жагдай туруктуу, оору күтүлгөн деңгээлге дал келет.

Оору 14 жашка чейинки курактагы балдар арасында көбүрөөк (74 пайыз) катталып жатат. Бейтаптардан алынган анализдерди лабораториялык изилдөөнүн негизинде сасык тумоонун А H3N2 жана В түрлөрүнүн жүрүшү аныкталып, Дүйнөлүк саламаттык сактоо уюмунун (БДССУ) божомолуна дал келери айтылат.

Ооруну алдын алуу жана эпидемияга каршы иш-чараларды өз убагында өткөрүү максатында окуучулардын жана мектепке чейинки билим берүү мекемелерде илдеттин мониторинги күчөтүлгөн. Окуучулар арасында сасык тумоо жана КРВИ аз кездешип, мектептердин жабылышы катталган эмес.

Ооруну алдын алуу чаралары:

  • Туура тамактануу жана активдүү болуу;
  • Эгер балдарыңыз же сиз ооруп калсаңыз, үйдө болгонуңуздар оң;
  • Оорубаш үчүн жөтөлүп, чүчкүрүп жаткан адамдардан алыс болуу керек;
  • "Жөтөлүү этикетин" сактоо — ооз, мурунду жаап чүчкүрүү;
  • Дайыма колду самын менен жууп же спирт аралашкан кол тазалагычтар менен сүрүү (айрыкча, ооз, мурунду кармагандан кийин);
  • Эгер мүмкүн болсо, эл көп жерде көп жүрбөө;
  • Дайыма терезелерди ачып, бөлмөнү желдетип туруу;
  • Медициналык бет кап тагынып, аны 4 саат сайын алмаштыруу;
  • Бейтапты өзүнчө бөлмөгө жаткырып, өзүнчө идиш, бет аарчы менен камсыз кылып, бөлмөнү тазалап, желдетип туруу кажет;
  • Ооруканага кайрылуу зарыл. Адистер гана туура дарыланууну жүргүзө алат.

Өз алдынча дарылануудан  алыс болгула, себеби ар кандай кесепеттерге алып келүүсү мүмкүн.

Тема боюнча

Сасык тумоого кабылгандар ооруканага батпай жатат. Өлкөдөгү абал
Белгилер:
өсүү, сасык тумоо, оору

ЭҢ МААНИЛҮҮ