15:21 28 Бирдин айы 2020
Түз эфир
  • USD69.8500
  • EUR76.4683
  • RUB1.0646
Коом
Кыскача шилтеме алуу
Алмазбек Атамбаевдин кармалышы (74)
285 0 0

Мурдагы мамлекет башчы ден соолугуна байланыштуу сот залына келбей калгандыктан процесс башка күнгө жылдырылды.

БИШКЕК, 12-дек. — Sputnik. Мурдагы президент Алмазбек Атамбаев ооруп калгандыгына байланыштуу сотко алып келинген жок. Бул тууралуу журналисттерге анын адвокаттары Сергей Слесарев менен Замир Жоошев билдирди.

Алар Атамбаевдин эмнеси ооруп калганын тактаган жок, бирок кан басымы боюнча көйгөй жаралышы ыктымалдыгын болжошту. 

Кримтөбөл Азиз Батукаевдин абактан мыйзамсыз бошотулушу боюнча соттук процесс 17-декабрга жылдырылды.

Буга чейин Атамбаев сотко келүүдөн эки ирет баш тартып койгон, бирок 29-ноябрда аскерлер аны Биринчи май райондук сотуна алып келген. Адвокат Замир Жоошев ал кандайча сотко келүүгө макул болгонун түшүндүргөн. Ал күнү адвокаттар иш менен таанышуусу керек деп жыйын башка күнгө жылдырылган. Атамбаев күтүү залында отуруп, андан соң кайра тергөө абагына жеткирилген

Батукаевдин иши

Азиз Батукаев 2006-жылы баңгизатты мыйзамсыз сактоо, жарылуучу заттарды жана курал-жаракты мыйзамсыз алып жүрүү, массалык башаламандык уюштуруу боюнча айыпталып, 16 жылга эркинен ажыратылган. 2008-жылы абак тартибин бузганы үчүн жаза мөөнөтүнө дагы эки жыл кошулуп, Нарындын №24 абагына которулган. Бирок 2013-жылдын 9-апрелинде оор дартка кабылганына байланыштуу бошотулуп, Кыргызстандын аймагынан Грозныйга учуп кеткен.

2014-жылдын 20-майында КР Жаза аткаруу мамлекеттик кызматы Батукаевге эл аралык издөө жарыялаган. ИИМдин маалыматы боюнча, учурда Батукаев курал-жарак сактаганы үчүн үч жылга эркинен ажыратылып, Чечен Республикасында жаза мөөнөтүн өтөп жатат.

2019-жылы апрелде башкы прокурор Өткүрбек Жамшитов ЖК жыйынында криминалдык авторитет Азиз Батукаевдин иши кайра жанданганын билдирген.

Анын бошотулушу боюнча бир катар мурдагы аткаминерлер менен дарыгерлер да суракка чакырылып, кээси камакка алынган. Ал эми мурунку башкы прокурор Аида Салянова, ошол кездеги вице-премьер Шамил Атаханов жана саламаттык сактоо министри Динара Сагынбаева, мурунку башкы прокурор Индира Жолдубаева тергөө менен кызматташмай болду деген жүйө менен үй камагына чыгарылган.

Тема:
Алмазбек Атамбаевдин кармалышы (74)

Тема боюнча

Адвокат: Атамбаев психиатриялык экспертизадан өтүүдөн баш тартты
Абдил Сегизбаевдин Кой-Таштагы окуяда Атамбаевге кандай жардам бергени айтылды
Алмазбек Атамбаев баштаган 15 киши психиатриялык экспертизадан өтөт
Белгилер:
ден соолук, Алмазбек Атамбаев

ЭҢ МААНИЛҮҮ