01:26 24 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Курулуш иштери. Архив

Контейнер мектептин ордуна жаңы имараттын курулушу качан башталары айтылды

© Sputnik / Сергей Венявский
Коом
Кыскача шилтеме алуу
76 0 0

Архитектура, курулуш жана турак жай-коммуналдык чарба мамлекеттик агенттигинен маалыматты тастыктап, курулуштун болжол менен качан башталарын айтышты.

БИШКЕК, 10-окт. — Sputnik. "Контейнер" аталышы менен чуу болгон Нарын районунун Кеңеш айылындагы Казаалы Абиров атындагы орто мектептин жаңы имаратын куруу иштерине бюджеттен үч миллион сом каралды. Бул тууралуу Sputnik Кыргызстандын кабарчысына Нарын райондук мамлекеттик администрация башчысынын биринчи орун басары Жанышбек Ибраимакун уулу билдирди.

Учурда мектептин эски авариялык абалдагы имараты бузулуп, жаңы курула турганына орун даярдалууда.

Бул маалыматты Архитектура, курулуш жана турак жай-коммуналдык чарба мамлекеттик агенттигинен тыстыктап, курулуштун болжол менен качан башталарын айтышты.

"Долбоордун сметалык документтери бекитилип, экспертизадан өткөн. Нарындагы Курулуш башкармалыгы конкурс жарыялаптыр. Буюрса, бул айдын аягында же аркы айдын башында подрядчы уюм тандалып алынса, финансылоо ачылып, иш башталып калат", — деп айтышты аталган агенттиктен.

Эскерте кетсек, жаңы окуу жылында Кеңеш айылына контейнерден жасалган алты мобилдик үй жеткирилип, анын ачылышы өткөн. Аземге Нарын районунун акими Семетей Черикбаев, Нарын облустук билим берүү башкармалыгынын жетекчиси Касымбек Мамытов баштаган аткаминерлер катышкан.

Көп өтпөй социалдык тармакка мобилдик үйдүн астында отурган беш аткаминердин сүрөтү жарыяланып, кызуу талкуу жаралган.

Айрымдар мектеп салууну демилгелеп, курулуш материалдарын, акча каражатын чогулта баштаган. Бирок өкмөт элден мындай жардам алуудан баш тарткан.

Өкмөттүн Нарындагы өкүлчүлүгү мектептин имараты авариялык абалда болгону үчүн балдардын коопсуздугун сактоо максатында мобилдик үй алып келинип, бирок окуучулар суук түшкөнгө чейин жылуу имаратка көчүрүлөрүн айткан.

Ал эми 3-октябрдан тарта балдар айылдын окуу үчүн ыңгайлаштырылган клубунда окуй башташкан.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Ачканы контейнер мектеп. Нарында аткаминерлер сынга кабылды
Контейнер мектепте окуган балдар көчтү. Жаңы класстардын сүрөтү
Белгилер:
бюджет, курулуш, мектеп, контейнер, Нарын облусу, Кыргызстан

ЭҢ МААНИЛҮҮ