03:23 15 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Кишенделген адам. Архив

Суусамырда бир бүлөнүн өмүрүн алган кырсык. Из жашырган айдоочу кармалды

© Sputnik / Табылды Кадырбеков
Коом
Кыскача шилтеме алуу
Бир үй-бүлө каза тапкан Суусамырдагы жол кырсык (6)
474 0 0

Айдоочу алгачкы медициналык жардам алгандан кийин кырсык болгон жерден из жашырып кеткени айтылып, ага милиция издөө жарыялаган.

БИШКЕК, 21-авг. — Sputnik. Милиция Суусамырдагы үрөй учурган жол кырсыкка кириптер болуп качып кеткен Honda Torneo унаасынын айдоочусу Талгатбек Алтымышовду тапты. Бул туурасында Чүй ОИИББдин маалымат кызматынан кабарлашты.

Маалыматка ылайык, айдоочуну укук коргоо органдары бүгүн, 21-августта, Бишкектеги кичи райондордун биринен кармашкан. Учурда ал Чүй облустук милициясына алып келинип, сотко чейинки иштер жүргүзүлүп жатканы айтылды.

Эске сала кетсек, 18-август күнү саат 10.00дөр чамасында Бишкек — Ош трассасынын 174-чакырымында Man үлгүсүндөгү жүк ташуучу унаа жана Mazda CX-7 менен Honda Torneo үлгүсүндөгү жеңил автокөлүктөр кагышкан. Кырсыктан улам бензовоз оодарылып, эки жеңил унаа трассадан чыгып кеткен. Бензовоз менен Honda Torneo автосунун айдоочулары жабыркаган эмес. Mazda CX-7 автосунун ичиндеги төрт жаштагы наристе менен үч чоң адам көз жумган, сегиз жаштагы кыз ооруканага жеткирилген. Кийинчерээк маркумдар бир үй-бүлөнүн мүчөлөрү экени белгилүү болгон.

Факты Кылмыш жана жоруктардын бирдиктүү реестрине каттоого алынып, тийиштүү экспертиза дайындалган.

Милиция күбөлөргө таянуу менен жол кырсыгына Honda Torneo унаасынын айдоочусу, 24 жаштагы Талгатбек Алтымышов күнөөлүү экендигин айтып берген. Ал алгачкы медициналык жардам алгандан кийин из жашырып кеткен. Мындан улам милиция ага издөө жарыялаган.

Тема:
Бир үй-бүлө каза тапкан Суусамырдагы жол кырсык (6)

Тема боюнча

ӨКМ: Суусамырда унаалар кагышып, наристе менен үч чоң киши каза тапты
Эч нерсеси калбаптыр! Суусамырда бир бүлөнүн өмүрүн алган жол кырсыктын сүрөтү
Белгилер:
кармоо, издөө, айдоочу, жол кырсык, Суусамыр

ЭҢ МААНИЛҮҮ