17:09 21 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Ооруканадагы бейтап. Архив

Солтон-Сарыдагы чатакта жабыркагандар таң эрте ооруканага түштү

© Sputnik / Владимир Песня
Коом
Кыскача шилтеме алуу
Солтон-Сарыдагы кытай компаниясында августта чыккан чыр (19)
250 0 0

5-августта жергиликтүү тургундар менен алтын кенин иштеткен компаниянын өкүлдөрү чатакташа кетип, бири-бирин ташка алган.

БИШКЕК, 6-авг. — Sputnik. Нарын облустук ооруканасына таңкы саат 5:00дөн тарта Солтон-Сарыдагы чыр-чатактан жабыркагандар келип түшө баштаган. Бул тууралуу Саламаттыкты сактоо министрлигинен кабарлашты.

5-августта калың элдин тобу Солтон-Сарыда алтын казып жаткан Кытайдын Zhong Ji Mining компаниясынын имаратын көздөй бет алган. Компаниянын кызматкерлери менен жергиликтүү тургундар бири-бирине таш ыргытышкан.

"Учурда компанияда иштеген 20 кишиге медициналык жардам берилүүдө", — деп маалыматта айтылат.

Бүгүн эртең менен окуя болгон жерге биринчи вице-премьер-министр Кубатбек Боронов менен ички иштер министри Кашкар Жунушалиев жөнөп кеткен.

Облустук милициянын жеке курамы толугу менен тартылган. Укук коргоо органдарындагы ишенимдүү кишинин айтымында, 10го жакын киши түрдүү жаракат алып, ооруканага жеткирилген.

Учурда облус жетекчиси баш болгон расмий өкүлдөр жеринде элге түшүндүрүү иштерин жүргүзүп жатат.

Буга чейин да жергиликтүү эл кытай компаниясынын жардыруу иштеринен мал кырылып жатканын жүйө келтирип, алардын ишин токтотуусун талап кылган болчу. Жерине вице-премьер Жеңиш Разаков барып, эл менен жолуккан. Окуядан кийин атайын комиссия түзүлүп, мал ичеги оорусунан улам өлүп жатканын айтып, компаниянын күнөөсү жок экенин билдирген. Кытай компаниясы алардын айынан мал-жандык кырылып жатканы ырасталса чыгымды төлөп берүүгө даяр экенин билдиришкен.

Тема:
Солтон-Сарыдагы кытай компаниясында августта чыккан чыр (19)

Тема боюнча

Чыр чыккан Солтон-Сарыга Боронов менен Жунушалиев жөнөп кетти
Атчан, жөө-жалаңдап... Нарындагы кытай компаниясына каршы чыккан элдин видеосу
Солтон-Сарыда учурда эмне болуп жатат? Экинчи күн
Белгилер:
Жаңжал, КР Саламаттык сактоо министрлиги, Солтон-Сары жайлоосу

ЭҢ МААНИЛҮҮ