17:08 21 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Депутат Рыскелди Момбеков. Архивдик сүрөт

Манастын тилиндеги сөзгө Пушкиндин тилинде бүтүм чыгып... Момбеков сот өкүмү тууралуу

© Фото / пресс-служба Жогорку Кенеша
Коом
Кыскача шилтеме алуу
263930

Депутат кыргызча сүйлөгөн сөзүнө орусча өкүм чыкканын айтып, соттор катуу сын үчүн андан өч алып жатканын белгиледи.

БИШКЕК, 26-июл. — Sputnik. Чүй облусунун Сокулук райондук соту Жогорку Кеңештин депутаты Рыскелди Момбековду Маалымат технологиялары жана байланыш комитетинин мурдагы жетекчиси Бакыт Шаршембиевдин кадыр-баркына шек келтирген деп таап, аны 25 миң сом айыпка жыкты. Депутат соттун өкүмү тууралуу пикирин Sputnik Кыргызстан агенттигинин кабарчысына билдирди.

Шаршембиевдин жактоочулары депутаттан кадыр-баркка шек келтиргени үчүн 1 миллион сом өндүрүү үчүн 2018-жылы октябрда сотко кайрылышкан.

Эл өкүлү райондук соттун өкүмү ал үчүн абдан өкүнүчтүү болгонун айтты. Себеби сот анын мамлекеттик тилде сүйлөгөн сөзүн филологиялык экспертизадан өткөрбөстөн, журналисттин орусча жазган текстинин негизинде гана өкүм чыккан деп эсептеди.

"Жогорку Кеңеште сүйлөгөн сөзүм Манастын тилинде, мамлекеттик тилде болгондуктан ошол сөзүмдүн стенограммасын сотко жөнөткөм. Ал расмий документ, филологиялык экспертиза жүргүзгүлө дегем. Эгер менин ошол сүйлөгөн сөзүмдө мазактаган сөздөрдү тапсаңар мен макулмун дегем. Булар, тескерисинче, менин кыргызча сүйлөгөн сөзүмдү эмес, маалымат агенттиктеринин бирине чыккан, журналисттин түшүнүп жазганын орус экспертине көрсөтүп, ал "Момбековдун сөзүндө ар-намыска шек келтирген белгилер бар" деген бүтүм чыгарыптыр. Сот ошонун негизинде соттоп жатат. Бул деген нонсенс. Мен Манастын тилинде сүйлөп жатсам, Пушкиндин тилинде корутунду чыгарып, мени айыптуу деп таап жатат", — деди Момбеков.

Эл өкүлү соттор андан айтылган катуу сын-пикир үчүн өч алып жатканын да кошумчалады.

"Бул нерсе сот системасынын биротоло көз каранды болгонунан кабар берет. Анткени Жогорку соттун төрайымы сотторду мазактады деп менин үстүмөн арыз жазып УКМКга даттанган. Анда да сот органдарына карата катуу айтып койдум эле. Ошол үчүн булар менден өч алып жатса керек деп ойлоп жатам. Болбосо бул мыйзамга эмес, логикага да туура келбейт", — деди депутат.

Момбеков соттун чечими колуна тийгенден кийин аны жакшылап карап чыгарын, андан кийин мындай өкүм чыгарган сотторду тартип комиссиясына даттана турганын белгиледи. Ал ошондой эле Конституциялык мыйзамда Жогорку Кеңештин депутаты өзүнүн сүйлөгөн сөзү үчүн куугунтукталбайт деп жазылып турганын эскертип, сот Конституцияны одоно бузуу менен өкүм чыгарганын айтты.

Тема боюнча

Мурдагы аткаминер депутат Момбековду сотко берип айыпка жыкты
Белгилер:
өкүм, айып, Жогорку сот, сот, Рыскелди Момбеков

ЭҢ МААНИЛҮҮ