БИШКЕК, 3-июн. — Sputnik. Орозо айт намазы 5-июнда эски аянтта окулат. Бул тууралуу муфтияттан маалымат кызматы билдирди.
Ага ылайык, баяндар таңкы саат 06:00дөн тарта айтыла баштайт.
"Айт намаз учурунда дин аалымдарынын баяндамалары жана куттуктоолору айтылат", — деп жазылат билдирүүдө.
Айт намаздын программасы:
- 06:00 — 07:00 — дин аалымдарынын баяндары;
- 07:00 — 07:20 — Азирети муфтийдин куттуктоосу жана баяндамасы;
- 07:20 — 07:30 — өкмөттүн куттуктоосу;
- 07:30 — айт намаз.
Майрамдык намазга карата Бишкек шаарынын бир нече көчөлөрү да жабылат.
Эске салсак, быйыл Орозо 6-майда башталып, 4-июнда аяктайт. Ал эми 5-июнда Орозо айт болот.
