20:14 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Финансы полициясы. Архив

Финпол Райым Матраимовдун "мыйзамсыз байыган" фактысы боюнча текшере баштады

© Sputnik / Табылды Кадырбеков
Коом
Кыскача шилтеме алуу
508 0 0

28-майда премьер Мухаммедкалый Абылгазиев Экономикалык кылмыштуулукка каршы күрөшүү мамлекеттик кызматына Матраимовдун мүлкүн текшерүүнү тездетүү керектигин айткан.

БИШКЕК, 29-май — Sputnik. Финпол Бажы кызматынын төрагасынын мурдагы орун басары Райым Матраимовду мыйзамсыз байыган деген маалыматтын тегерегинде сотко чейинки териштирүү иштерин баштады. Бул тууралуу Sputnik Кыргызстан агенттигинин кабарчысына Башкы прокуратуранын маалымат кызматы билдирди.

Аталган иштер Кылмыштар жана жоруктардын бирдиктүү реестрине каттоого алынган.

28-майда премьер Мухаммедкалый Абылгазиев Экономикалык кылмыштуулукка каршы күрөшүү мамлекеттик кызматына Матраимовдун мүлкүн текшерүүнү тездетүү керектигин айткан.

Белгилей кетсек, Райым Матраимов өткөн жылдын апрель айынан бери өкмөт менен соттошуп келген. Аны 2017-жылы ноябрда ошол кездеги премьер-министр Сапар Исаков "ишенимден чыкты" деген жүйө менен кызматтан кетирген. Бирок Исаков премьерликтен кеткенден кийин Матраимов негизсиз иштен алынганын айтып, өкмөттү сотко берип, мурунку кызматына турууну суранган. Аны райондук жана шаардык сот канааттандырган болчу.

7-май күнү КРдин Жогорку соту өкмөттүн Матраимовдун үстүнөн даттануусун карап чыгып, Бишкек шаардык жана Биринчи Май райондук сотунун чечимин күчүндө калтырган.

Ал эми анын адвокаты Матраимовдун сотко кайрылган максаты башка экенин, кызматына кайра барбай турганын айткан болчу.

Тема боюнча

Райым Матраимов кызматына кайтабы? Адвокаттын жообу
Райым Матраимов өкмөттү Жогорку Соттон да утту
Абылгазиев: Райым Матраимовдун мүлкүн текшерүүнү тездеткиле!
Белгилер:
бажы, текшерүү, финансы полициясы, Райымбек Матраимов

ЭҢ МААНИЛҮҮ