00:36 27 Бугу 2019
Түз эфир
  • USD69.8500
  • EUR78.1272
  • RUB1.0811
Сотрудники МЧС на месте пожара на нефтебазе по улице Шерматова в Джалал-Абаде

Мунай базадагы өрттөн жаракат алгандардын абалы кандай экени айтылды

© Фото / пресс-служба МЧС КР
Коом
Кыскача шилтеме алуу
Жалал-Абад шаарындагы мунай базада чыккан өрт (11)
51710

Өрт 7,5 сааттан кийин чектөөгө алынган

ОШ, 10-май — Sputnik. Жалал-Абад шаарындагы мунай базада чыккан өрттөн жаракат алып, облустук ооруканага түшкөн эки кишинин бири үйүнө коё берилди. Ал эми 24 жаштагы жигиттин абалы оор бойдон калууда. Бул тууралуу облустук оорукананын башкы дарыгеринин орун басары Арстан Алымбаев Sputnik Кыргызстан агенттигине билдирди.

Анын айтымында, жигит жалынга күйүп (термический ожог), II даражада күйүк алган. 24 жаштагы жигиттин баш моюн тарабы жана денесинин айрым бөлүктөрү жабыркап, башкача айтканда, денесинин 50 пайызы күйгөн.

Ал эми экинчи жабырлануучу — өрт өчүрүү кызматынан кызматкери да II даражада күйүк алган. Анын бет, жаак бөлүгү, далысы күйгөн. Ал кароодон өткөрүлгөн соң үйүнө жиберилди.

Белгилей кетсек, Жалал-Абад шаарындагы мунай базадагы өрт саат 10:00дөр чамасында чыккан. Жеринде өрт өчүрүүчү 10 унаа, 2 автошаты жана Жалал-Абад аэропортунун 2 техникасы иштеген.

Мындан сырткары, Ош облусунан дагы кошумча өрт өчүрүү бөлүмү тартылып, көбүк алынганы кабарланган.

Чыккан өрт саат 17.25те чектөөгө алынган.

Мунай базасы "Томас и Ко" компаниясына таандык. Анын жетекчилеринин бири саясатчы Камчыбек Ташиевдин бир тууганы Казыбек Ташиев экени белгилүү.

Тема:
Жалал-Абад шаарындагы мунай базада чыккан өрт (11)

Тема боюнча

Жалындап күйгөн мунай базаны кантип өчүрүп жатышат. Дрондон тартылган видео
Жалал-Абаддагы мунай базадан чыккан өрт 7,5 сааттан кийин чектелди
Белгилер:
бейтап, оорукана, Өрт, Жалал-Абад

ЭҢ МААНИЛҮҮ