00:36 27 Бугу 2019
Түз эфир
  • USD69.8500
  • EUR78.1272
  • RUB1.0811
Ош облустук ооруканасында үч эм күтүп, бирок эгиз төрөгөн Гүлзина Абдимажитова

Үч эмдин ордуна эгиз кыздуу болгон келин. Комиссия ишти иликтеп бүттү

© Sputnik / Зульфия Тургунова
Коом
Кыскача шилтеме алуу
2212 0 0

Комиссия диагностикалык ката кетип калган деген жыйынтык чыгарды.

БИШКЕК, 6-май — Sputnik. Ош облустук ооруканасында үч эм күтүп, бирок эгиз төрөгөн Гүлзина Абдимажитованын ишин Саламаттык сактоо министрлиги тарабынан түзүлгөн атайын комиссия иликтеп бүттү. Бул тууралуу Sputnik Кыргызстан маалымат агенттигине министрликтин башкы гинекологу Раиса Асылбашева билдирди.

Эскерте кетсек, эгиз кыздар 9-апрель түнү жарыкка келген. Бирок алардын энеси Абдимажитова буга чейин беш ирет УЗИ аппаратына түшкөнүн, бешөө тең үч түйүлдүк бар деп көрсөткөнүн айтып, дарыгерлерге нааразы болгон.

Бул ишти иликтөө боюнча Саламаттык сактоо министрлиги атайын комиссия түзгөн.

Асылбашеванын айтымында, комиссия диагностикалык ката кетип калган деген жыйынтык чыгарды.

"Бардык УЗИлерди карап чыктык. Сүрөтү бар УЗИлер эки эле баланы көрсөтүп жатат. Үчүнчүсү чагылышып калган. Медицинада аны "зеркальное отражение" деп коет. Ымыркайларга 28 жума болгондо, 4-февралда түшкөн УЗИнин жыйынтыгы эки кыз деп көрсөткөн. Анын сүрөтү бар. Ал эми түйүлдүктөргө 13 жума 5 күн болгондо УЗИ үч эм деп көрсөтүп берген. Бирок анда сүрөтү жок. Негизи заманбап жаңы УЗИ аппараттар мындай жаңылыш жыйынтык чыгарбайт. Ошондуктан бардык УЗИ аппараттар текшерилип, дарыгерлерди кайрадан окутуп, аттестациядан өткөрүү боюнча да сүйлөшүп жатабыз", — деди Асылбашева.

Министрликтин башкы гинекологу мындай учурлар буга чейин да болгонун айтып, УЗИ жаңылышып эгиз деп көрсөтүп, кийин жалгыз эле бала төрөлгөнүн кошумчалады. Ал иликтөө иштерине дасыккан адистер катышканын баса белгиледи.

Ал эми эгиз төрөгөн Гүлзина Абдимажитова дарыгерлердин мындай жыйынтыгына макул эмес. Келиндин апасы Жанаркүл Жусупова үч эмди Сузактагы УЗИден өз көзү менен көргөнүн айтып, үчүнчү небересин өмүрү өткөнчө издерин айтып жашыды.

Ымыркайлардын атасы Ынтымак Базарбай уулу Ош шаардык прокуратурасына арыз жазганын, бул боюнча ишти бир гана сот чечерин кошумчалады.

Тема боюнча

Ош: үч эм күтүп, бирок эгиз төрөгөн эне дарыгерлердин үстүнөн арызданат
Үч эмдин ордуна эгиз кыздуу болгон келин. Ишти министрликтин комиссиясы иликтейт
Белгилер:
эгиз, үч эм, ымыркай

ЭҢ МААНИЛҮҮ