04:23 26 Бугу 2019
Түз эфир
  • USD69.8500
  • EUR78.1272
  • RUB1.0811
Өспүрүм бала. Архив

Балдар үйлөрүнөн чыккандардын борборуна акча керек. Акция

© Sputnik / Владимир Песня
Коом
Кыскача шилтеме алуу
46 0 0

Кыргызстандагы балдар үйүнөн жылына 400-500 кыз-балдар тарбияланып чыгат. 15-17 жаштагы балдарга ар тараптуу колдоо жана жардам керек.

БИШКЕК, 4-май — Sputnik. Борбор калаадагы Дайыр Асанов атындагы "Жеңиш" паркында кайрымдуулук веломарафон өтөт. Андан чогулган акча Токмок шаарындагы балдар үйүнүн бүтүрүүчүлөрүнүн борборуна жумшала тургандыгын мэриядан билдиришти.

Иш-чара Эски аянтта 12-майда саат 10:00дө башталат.

Маалыматта бул акцияга каалоочулардын баары жана Кызыл жарым ай коомунун өлкөнүн ичиндеги жана сыртындагы өнөктөштөрү катышарын айтышты.

"Кыргызстандагы балдар үйүнөн жылына 400-500 балдар-кыздар тарбияланып чыгат. 15-17 жаштагы балдарга ар тараптуу колдоо жана жардам керек. 2019-жылы Кызыл жарым ай коомунун Токмоктогу филиалы тарабынан балдар үйлөрүнүн бүтүрүүчүлөрүнө арнаган социалдык борбордун курулушу башталды. Анда балдарга убактылуу баш калкалап турчу жай берилет да, кызматкерлер аларды турмушта кездешчү кыйынчылыктарга каршы турууга кичинеден болсо да үйрөтөт", — деп жазылган маалыматта.

Кабарда аталган курулушту аягына чыгаруу үчүн 150 миң сом зарыл экени, ал акчага техника, эмерек жана башка керектүү оокаттар алынары айтылган.

"Бул кайрымдуулук иш-чаранын максаты — коомчулукту балдар үйүнүн тарбиялануучуларынын маселесине көңүл бурууга чакыруу", — деп айтылган маалыматта.

Аталган акция Бишкек шаарынын муниципалитети менен биргеликте өткөрүлүүдө.

Тема боюнча

Кочкоров балдар үйүнүн тарбиялануучулары үчүн Катар элчисинен жардам сурады
Белгилер:
кайрымдуулук, балдар үйү, Токмок, Бишкек, Кыргызстан

ЭҢ МААНИЛҮҮ