21:03 23 Чын Куран 2019
Түз эфир
  • USD69.7009
  • EUR78.4240
  • RUB1.0927
Кылмыш иши папкасы. Архивдик сүрөт

Депутат айрым иштерде "тергөөнүн купуялуулугу" нормасын алып салууну сунуштады

© Sputnik / Табылды Кадырбеков
Коом
Кыскача шилтеме алуу
26 0 0

Учурда башкы прокурор Өткүрбек Жамшитов мекеменин 2018-жылы жасаган иши тууралуу отчет берүүдө.

БИШКЕК, 17-апр. — Sputnik. Жогорку Кеңештин депутаты Дастан Бекешев мүмкүн болсо кызматтык жана коррупциялык кылмыш иштеринде "тергөөнүн купуялуулугу" деген норманы алып коюуну сунуштады.

Эл өкүлүнүн айтымында, коомчулук тергөө иштери кандай жүрүп жатканын жакшылап байкап турмак.

Учурда башкы прокурор Өткүрбек Жамшитов мекеменин 2018-жылы жасаган иши тууралуу Жогорку Кеңеште отчет берүүдө.

Өз кезегинде Жамшитов эгер ошондой мыйзамды депутаттар кабыл алып берсе, алар аткарууга даяр экенин айтты.

"Эгерде Кылмыш процессуалдык кодексте ушул нерселер ачык болсун деп кабыл алып берсеңер, биз аткарабыз", — деди башкы прокурор.

Депутат, андан сырткары, акыркы учурда ишкерлерден көп даттануулар келип жатканын белгиледи. Арыздарда укук коргоо органдары коррупциядан түшкөн каражаттар чогула турчу эсепти толтуруу үчүн өз ара таймашып жатканы айтылат. Мындан улам депутат ишкерлерге жолтоо болбостон Башкы прокуратуранын алдында ишкерлер кеңешин түзүп, бизнес ассоциацияларынын көйгөйүн түз угууну сунуштады.

Жамшитов учурда прокуратура органдары ишкерлер менен тыгыз иштешүү боюнча атайын долбоорду карап жатканын айтты.

Тема боюнча

Мамлекетке 380 млн. сомдук жер тилкелери кайтарылды
Былтыр террордук маанайдагы маалымат жазып жабылган сайттардын саны айтылды
Белгилер:
кылмыш иши, сыр, Өткүрбек Жамшитов, Дастан Бекешев, Жогорку Кеңеш

ЭҢ МААНИЛҮҮ