04:45 21 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Чек арадагы фуралар. Архивдик сүрөт

Казакстан чек арада КР фураларынын кармалышын түшүндүрдү

© Sputnik / Актан Темирканов
Коом
Кыскача шилтеме алуу
812 0 0

1-апрелге карата кыргыз-казак чек арасындагы "Ак-Тилек" көзөмөл өткөрүү пунктунда жүк ташуучу 223 автоунаа коңшу өлкөгө өтө албай турат.

БИШКЕК, 1-апр. — Sputnik. Казакстандын Финансы министрлигинин мамлекеттик киреше департаменти берген маалыматка караганда, кыргыз-казак чек арасында фуралардын кармалып турушуна жүк ташуучу унаалардын бажы текшерүүсүнөн өткүсү келбегени себеп. Бул тууралуу Sputnik Казакстан агенттиги жазды.

Кыргызстандын мамлекеттик чек ара кызматынын маалыматы боюнча 1-апрелге карата кыргыз-казак чек арасындагы "Ак-Тилек" (Казакстан тараптан "Карасу") көзөмөл өткөрүү пунктунда жүк ташуучу 223 автоунаа коңшу өлкөгө өтө албай турат.  Негизи "Ак-Тилек" пунктунда фуралар кезек күтүп турганы боюнча маалымат 29-мартта тараган.

Казакстан тарап чек арада мониторинг жүргүзүп, зарыл болгон учурда жүк ташуучу унааларды текшерип жатканын билдирди.

"27-марттан бери "Карасу" өткөрүү пункту аркылуу кытай жана түрк товарларын алып келе жаткан тогуз унаа текшерилди. Бардыгынын товарларга документтери жетишсиз. Дагы 40 унаа документтерди кайрадан тууралап келүү үчүн өз демилегеси менен Кыргызстанга кайтты", — деп айтылат макалада.

Казак бажычыларынын айтымында, туура эмес документтер импорттолгон товарларга гана тиешелүү. Ал эми Кыргызстанда өндүрүлгөн товарлар боюнча эч кандай мыйзам бузуулар катталган эмес.

Казакстандын Бажы кызматынын маалыматына караганда, "Карасу" өткөрүү пунктунда 140 фура кезек күтүп турат.

Тема боюнча

Кыргыз-казак чек арасындагы "Ак-Тилек" пунктунда 140тай фура токтоп турат. Видео
Кыргыз-казак чек арасындагы "Ак-Тилек" пунктунда 223 фура өтө албай турат
Белгилер:
товар, көзөмөл, фура, чек ара, Кыргызстан, Казакстан

ЭҢ МААНИЛҮҮ