БИШКЕК, 28-мар. — Sputnik. Россиянын президенти Владимир Путин мамлекеттик сапар менен Кыргызстанга келди.
Путинди эл аралык "Манас" аэропортунан Кыргызстандын президенти Сооронбай Жээнбеков тосуп алды.
Расмий кездешүү мамлекеттик "Ала-Арча" резиденциясында өтөт.
Мамлекет башчылары тар чөйрөдө сүйлөшүүлөрдү жүргүзүп, андан соң кыргыз-орус делегацияларынын мүчөлөрү кеңири форматта жолугат.
Андан сырткары, Путин менен Жээнбеков "Стратегиялык өнөктөштүктүн жана интеграциянын жаңы горизонттору" аттуу Кыргыз-Россия аймактар аралык VIII конференциясына катышып жана Чыңгыз Айтматовдун үй-музейине бармакчы.
Мамлекеттик сапардын алкагында 30га чукул документке кол коюу күтүлүүдө.
