21:42 19 Бугу 2019
Түз эфир
  • USD69.8500
  • EUR78.0539
  • RUB1.0807
Ардагер. Архивдик сүрөт

Жалал-Абадда согуштун беш ардагери бар. Мэриянын билдирүүсү жокко чыгарылды

© Sputnik / Максим Богодвид
Коом
Кыскача шилтеме алуу
38510

Буга чейин Жалал-Абаддын мэриясы шаарда Улуу Ата Мекендик согуштун акыркы ардагери көз жумганын билдирген. Бирок Ардагерлер кеңеши бул маалыматты төгүндөдү.

БИШКЕК, 17-мар. — Sputnik. Жалал-Абадда Улуу Ата Мекендик согуштун беш ардагери жашап жатат. Бул тууралуу Жалал-Абад облусу боюнча Баткен согушунун ардагерлери коомдук бирикмесинин төрагасы Рустамбек Амиракуловго шилтеме берип "Өлбөс полк — Кыргызстан" бирикмесинен билдиришти.

Эске салсак, 14-март күнү Жалал-Абад шаарынын мэриясы Улуу Ата Мекендик согуштун акыркы ардагери Гаваз Мингараев каза болгонун кабарлаган.

Амиракуловдун айтымында, жакында эле ал жетектеген кеңеш Жалал-Абаддагы ардагерлерди кыдырып чыгып, беш адам бар экенин билген. Алар:

Касым Акрамов, 91 жашта. Согушка 1944-жылы мектепти аяктары менен чакырылган. 1945-жылы мекенине кайтып келип, техникалык орто окуу жайды бүтүргөн. Кара-Көл ГЭСинин курулушуна катышкан. Японияны жеңүүдөгү жана башка медалдар менен сыйланган.

Александр Григорьев, 95 жашта. 188-полктун катардагы жоокери, майданда 1943-1945-жылдары салгылашкан. Белоруссия, Польша жана Праганы бошотууга катышкан. Жеңиш күнү Германиянын Дрезден шаарынын жанында болгон. Мекенине 1947-жылы кайтып келген. "Кызыл жылдыз" төш белгиси, "Улуу Ата Мекендик согуштун II даражадагы", "Германияны жеңүү" жана башка медалдары менен сыйланган.

Елизавета Костяная, 94 жашта. Россияда туулуп-өскөн. 1943-жылдан тарта "Артиллерист" дивизионунда кызмат кылган. 1959-жылы жолдошу менен Кыргызстанга көчүп келген. Японияны жеңүүдөгү жана башка медалдар менен сыйланган.

Гаффан Сафин, 94 жашта. Башкыр АССРинде туулган. Советтик Армиянын катарында 1943-жылдан тарта кызмат кылган. Жалал-Абадга 1954-жылы көчүп келген. "Улуу Ата Мекендик согуштун II даражадагы", "Германияны жеңүү" жана башка медалдары менен сыйланган.

Николай Тецкий, 91 жашта. 1944-жылы согушка чакырылып, Кенигсбергди алууга катышкан. 1947-жылы мекенге кайтып, Ошто киномеханик болуп эмгектенген. "Улуу Ата Мекендик согуштун II даражадагы" жана "Кенигсбергди алуу" медалдары менен сыйланган.

Тема боюнча

150 баланы уй жүктөгөн вагон менен алып келишкен... Токтогон Алтыбасарова эскерилди
Жалал-Абадда Улуу Ата Мекендик согуштун акыркы ардагери дүйнө салды
Белгилер:
мэрия, ардагер, Улуу Ата Мекендик согуш, Жалал-Абад

ЭҢ МААНИЛҮҮ