15:17 18 Бирдин айы 2019
Түз эфир
  • USD69.7609
  • EUR78.6694
  • RUB1.0458
ИИМ кызматкери. Архив

Үч күн ичинде 15 мас айдоочуга ири көлөмдө айып пул салынды

© Sputnik / Табылды Кадырбеков
Коом
Кыскача шилтеме алуу
187 0 0

Ар бир кармалган айдоочу 17 миң 500 сомдук айыпка жыгылган.

БИШКЕК, 4-янв. — Sputnik. Автоматташтырылган "Тартип бузуунун бирдиктүү реестри" маалыматтык системасы жаңы жылдагы үч күндүн ичинде мас абалында унаа айдаган 15 айдоочуну каттаган. Бул тууралуу ИИМдин маалымат кызматы кабарлады.

Аталган система ушул жылдын 1-январынан тарта иштей баштады. ИИМ кабарлагандай, үч күн ичинде жалпы 379 тартип бузуу катталган. Анын ичинде мас абалында унаа айдоо, калк көп жайгашкан аймакта коопсуздук курун тагынбай коюу, тыюу салынган жерлерде чылым чегүү, документи жок унаа айдоо жана башка эрежелер бар.

Мас айдоочулар милиция кызматкерлерине Чүй, Нарын, Ош, Ысык-Көл, Баткен, облустарында жана Бишкек, Ош шаарларында кабылган.

Ар бир айдоочу 17 500 сом айыпка жыгылды. Башкача айтканда, айып пулдун акчасы жалпы жонунан 262 миң 500 сомду түзгөн.

Эске салсак, 2019-жылдын 1-январынан тарта жолдо жүрүүнүн кээ бир эрежелерин бузганы үчүн салынган айып пулдардын көлөмү жогорулады. Анда автоунааны мас болуп айдаган киши 17 500 сом, ал эми кызматтагылар 55 000 сомго чейин айып пул төлөй баштайт деп жазылган.

Тема боюнча

Мас болуп айдасаңыз эми... 55 миң сомго чейин айып төлөйсүз. Жаңы эреже күчүнө кирди
Ысык-Көлдө мас айдоочуга алгачкы жолу 17,5 миң сом айып салынды. Сүрөт
Белгилер:
система, ИИМ, Кыргызстан

ЭҢ МААНИЛҮҮ