00:16 26 Бугу 2019
Түз эфир
  • USD69.8500
  • EUR78.1272
  • RUB1.0811
Патенти текшерүү рейди. Архивдик сүрөт

Маморгандар бизнесмендерди эки жыл текшербей турган болду. Бирок бир шарты бар

© пресс-служба мэрии города Бишкек
Коом
Кыскача шилтеме алуу
1387 0 0

Экономика министри продукциянын коопсуздугу кандайча көзөмөлгө алынарын айтып берди.

БИШКЕК, 18-дек. — Sputnik. Өкмөт 2019-жылдын 1-январынан тарта ишкерлик субъектилерин текшерүүгө мораторий киргизип жатат. Бул тууралуу өкмөттүн маалымат кызматынан кабарлашты.

Премьер-министр Мухаммедкалый Абылгазиев бул маселе боюнча жыйын куруп тийиштүү токтомго кол койду. Ал мораторий 2019-жылдын 1-январынан тарта күчүнө кирип, 2021-жылдын 1-январына чейин иштемекчи.

Экономика министри Олег Панкратов маалыматтык технологиялардын ишке кириши менен мамлекет менен бизнестин ортосундагы байланыш механизмдери юридикалык жана техникалык жактан өзгөрүп жатканын айтты.

"Техникалык көзөмөлдүн алкагында товардын сапатына баа берүү жана аккредитация жолу менен эч кандай текшерүүсү жок эле продукциянын коопсуздугун камсыздаса болот. Тагыраагы, мамлекеттик орган товарлардын сапаты документте жазылган мүнөздөмөсүнө канчалык төп келерин билүү үчүн маал-маалы менен сатып алып салыштырып турат. Бул текшерүүгө жатпайт. Эгер товардын сапаты кагазда жазылгандарга төп келбей калса, аккредитация боюнча органдарга маалымат берилет. Алар продукцияга сертификат берген лабораториянын аккредитациясын алып таштайт", — деди Панкратов.

Министр так ушул механизм рыноктогу продукциянын коопсуздугун камсыздоо үчүн жетиштүү экенин дүйнөлүк практика көрсөткөнүн кошумчалады.

Премьер Абылгазиев дагы аталган мораторий товарлардын коопсуздугуна коркунуч жаратпай турганын белгилеп өттү.

"Бул — популисттик экономикалык саясат эмес, бизнести колдоого алган конкреттүү механизм. Мораторий Кыргызстанда бизнес жүргүзүүнү кыйла жеңилдетип, ошол эле учурда ишкерлердин мыйзам чегинде иштөө жоопкерчилигин күчөтөт", — деди Абылгазиев.

Ал ошондой эле Экономика министрлигине бизнес коомчулукка мораторий боюнча кеңири маалыматтык түшүндүрүү кампаниясын уюштурууну табыштады.

Мораторий текшерүүгө алган 10 мамлекеттик органга тийиштүү:

  • Социалдык фонд;
  • Монополияга каршы жөнгө салуу мамлекеттик агенттиги;
  • Мамлекеттик отун-энергетика комплексин жөнгө салуу агенттиги;
  • Финансы рыногун тескөө жана көзөмөлдөө мамлекеттик кызматы;
  • Ветеринардык жана фитосанитардык инспекция;
  • Экологиялык жана техникалык коопсуздук боюнча мамлекеттик инспекция;
  • Финансы министрлигинин алдындагы баалуу металлдар боюнча департамент;
  • Саламаттык сактоо министрлигинин алдындагы Дары-дармек менен камсыздоо жана медициналык техника департаменти;
  • Саламаттык сактоо министрлигинин алдындагы Оорулардын алдын алуу жана мамлекеттик санитардык-эпидемиологиялык көзөмөл департаменти;
  • Айыл чарба, тамак-аш өнөр жайы жана мелиорация министрлигинин алдындагы этил спиртин, алкоголдук жана курамында спирти бар продукцияны өндүрүү жана сатууну көзөмөлдөө башкармалыгы.

Тема боюнча

Кыргызстан "Бизнес жүргүзүү" рейтингинде позициясын жакшыртты
Өкмөт: быйыл Кыргызстан бизнес жүргүзүү рейтингинде жети баскыч алдыга жылды
Осмонов: чет өлкөлүк ишкерлер үчүн Кыргызстанда бизнес кылуу кымбат
Белгилер:
бизнес, мораторий, өкмөт

ЭҢ МААНИЛҮҮ