19:32 22 Үчтүн айы 2020
Түз эфир
  • USD69.7407
  • EUR77.2797
  • RUB1.1279
Коом
Кыскача шилтеме алуу
111 0 0

"Элдик бюджет" түшүнүгү кирсе, жарандар маанилүү долбоорлорду ишке ашырууга акчанын коротулушун көзөмөлдөй алат.

БИШКЕК, 29-ноя. — Sputnik. Жогорку Кеңештин депутаты Марлен Маматалиев "Элдик бюджет" түшүнүгүн киргизүү керектигин парламенттин жалпы жыйынында билдирди.

Бүгүн депутаттар 2017, 2018 жана 2019-жылдын бюджеттерин карап, талкуулап жатышат. Отчет берүү үчүн өкмөттүн толук курамы парламентке келди.

Маматалиевдин айтымында, мындай тажрыйба бир катар мамлекеттерде колдонулуп келет. Негизги максаты — элди каражатты туура жана керектүү болгон долбоорлорго жумшоону үйрөтөт.

"Мисалы, Бишкектин мэриясы сайтына атайын бөлүм ачса. Ал жерге жарандар өз сунуштарын, идеяларын берип, кайсы долбоор жакшы, пайдалуу экенин добуш берүү аркылуу чечип алышмак. Андан кийин ал долбоорду мэрия иш жүзүнө ашырмак", — деди депутат.

Эл өкүлү жылына бюджеттин капиталдык салым үчүн 50 миллион сомдон 200 миллион сомго чейин берилерин айтып, бирок бул каражат кайда кетип жатканын эл билбей, коротулган акчанын жыйынтыгын деле көрбөй турганын кошумчалады.

"2019-жылы 10 миллион сомду ушул багытта бөлүп берсеңиз. Сынамык вариантта болсо жакшы болмок. Буга Дүйнөлүк банк да колдоо көрсөтүп, каражат да бөлөт экен", — деди Маматалиев.

Депутат ошондой эле аутсорсинг ыкмаларын колдонуу менен мамлекеттик мекемелердин транспортко короткон чыгымдарын 1 миллиард сомго чейин үнөмдөсө болорун билдирди.

"Жылына канча машина алабыз, тетиктерине канча каражат кетет? Кошумча канчалаган коррупциялык схема аралашат. Бардык кызматтык унааларды аутсорсингге берип койсоңор жакшы болмок. Ошондо биз мындан ары кызматтык унаа албайт элек. Аутсорсингге берип койсок, жылына 1 милилард сомго чейин үнөмдөмөкпүз", — деди депутат.

Өз кезегинде каржы министри Адылбек Касымалиев атайын каражатты кошкондо транспорт кызматтарына 979 миллион сом каралганын кошумчалады.

Аутсорсинг — келишимдин негизинде айрым кызмат көрсөтүүлөрдү башка тарапка берүү. Тандалган компания өз милдетине кирген кызматтарды үзгүлтүксүз аткарууга милдеттүү.

Тема боюнча

Момбеков: "Коопсуз шаар" долбоорунда мафиялык мандем бар
Жылына 900 млн. сом тапкан Кыргызстандагы университеттер акчаны кайда жумшайт
Белгилер:
үнөмдөө, бюджет, Бишкек мэриясы, Марлен Маматалиев, Адылбек Касымалиев

ЭҢ МААНИЛҮҮ