04:28 18 Аяк оона 2019
Түз эфир
  • USD69.7942
  • EUR76.9027
  • RUB1.0885
Актер, режиссер, төкмө акын, обончу, дастанчы Орозбек Кутманалиев Ак кеме тасмасында. Архив

Нургазы үчүн таяк жеген Орозкул. Орозбек Кутманалиев тууралуу 6 факты

© Фото / Александр Федоров
Коом
Кыскача шилтеме алуу
Мирбек Сакенов
Кыргыздын көркөм өнөрү, белгилүү инсандары жөнүндө фактылар (298)
144320

Бүгүн актер, режиссер, төкмө акын, обончу, дастанчы Орозбек Кутманалиевдин туулган күнү. Көп кырдуу талант ээсинин көзү тирүү болгондо быйыл 86 жашка толмок.

Sputnik Кыргызстан агенттиги залкар инсандын өмүрү жана чыгармачылыгындагы кызыктуу фактыларды сунуштайт.

Ыр-күүгө жакын өспүрүм

Орозбек Кутманалиев 1932-жылы 10-майда Чүй облусунун Сокулук районундагы Шалта айылында жарык дүйнөгө келген. Ыр-күүгө жакын өспүрүм мектепте окуп жүргөндө эле элдик чыгармачылыкка жакын болгон. Кийин бойго жеткенде эмгек жолун борбор калаадагы Куурчак театрында баштаган.

Для придания реальности пьяным сценам иногда актерам наливали отнюдь не бутафорную водку.
Александр Федоров
Актер Асанкул Куттубаев, Орозбек Кутманалиев менен Сабира Күмүшалиева. "Ак кеме" тасмасы тартылып жаткан учур

Күжүрмөн инсан

Артист 1965-жылдан тарта Токтогул Сатылганов атындагы улуттук филармонияда солист, 1969-жылдан Кыргыз телекөрсөтүү жана радиоуктуруу комитетинде режиссёр, диктор болуп эмгектенген. Үй-бүлөсүн багуу үчүн күндүз радиодо иштесе, түнкүсүн кинодо дубляж жасаган. Анан Токтоболот Абдумомунов атындагы кыргыз академиялык драма театрында артист, 1970-жылдары "Кыргызфильмде" дубляж боюнча режиссерлукту аркалаган.

"Таяк жеген" артист

Кыргыз Республикасынын эл артисти "Ак кеме", "Эрте келген турналар", "Ак-Мөөр", "Бөрү зындан", "Махабат дастаны" өңдүү 20га жакын фильмде образ жараткан. Чебер актер тартылган тасмаларынын ичинде "Ак кемедеги" Орозкулдун ролун өтөсүнө чыгара ойногон. Ал кино калың элге сунушталганда Орозбек Кутманалиевге сценарий боюнча каза болуп калган кичинекей Нургазы үчүн кол көтөргөн көрүүчүлөр да болгон.

С актером Орозбеком Кутманалиевым и манасчи Каба
предоставлено Александром Федоровым
СССР Эл артисти Төлөмүш Океев, Кыргыз ССРинин эмгек сиңирген артисти Орозбек Кутманалиев жана Каба манасчы

34 жаштагы студент

Актер Кыргыз мамлекеттик университетинин тарых факультетин 39 жашында аяктаган. Ал Ашыраалы Айталиев, Осмонкул Бөлөбалаев, Ысмайыл Борончиевден сабак алып, төкмөлүктү аркалап, дастан жана терме ырларын аткара билген. Ошондой эле бир нече ырга обон жазган.

Он бир баланын атасы

Актер радиодо иштеп жүргөндө колуктусунан айрылып, беш бала менен жалгыз калган. Кийин кесиптешине үйлөнүп, алты балалуу болушкан. Жубайлар 35 жыл чогуу жашап алты кыз, беш уулду тарбиялап, 40ка жакын небере көрүшкөн. Азыр Фатима Кутманалиева уул-кыздарынын жанында дөөлөттүү көз ирмемдерди өткөрүп келет.

Режиссер с актером Орозбеком Кутманалиевым
Александр Федоров
"Ак кеме" тасмасынын режиссеру Болот Шамшиев менен актер Орозбек Кутманалиев

Чарчабаган аксакал

Таланттуу инсан пенсияга чыгып жөн отурбай дыйканчылык менен алектенип, Чүй облустук театрда артист, аксакалдар сотунда төрага болуп иштеген жайы бар. Залкар артист 13 жылы мурун оорудан улам 73 жашында көз жумган.

Тема:
Кыргыздын көркөм өнөрү, белгилүү инсандары жөнүндө фактылар (298)

Тема боюнча

Бий үчүн жаралган... Балет ханышасы Бүбүсара Бейшеналиева тууралуу 7 факты
Төкмө жана калемгер Эстебес Турсуналиев тууралуу кызыктуу 6 факты
Белгилер:
факты, актер, режиссер, Орозбек Кутманалиев, Кыргызстан

ЭҢ МААНИЛҮҮ