02:06 03 Теке 2020
Түз эфир
  • USD78.7872
  • EUR89.0098
  • RUB1.1172
Коом
Кыскача шилтеме алуу
101 0 0

Учурда Бирикен Араб Эмирлигине (Бишкек— Дубай) учкан бир гана аба каттамы бар

БИШКЕК, 12-апр. — Sputnik. Кыргызстан Air Arabia авикомпаниясы менен "Шарджа — Бишкек" жана "Шарджа— Ош" аба каттамдарын бул жайда ачуу үчүн сүйлөшүүлөрдү жүргүзүп жатат. Бул туурасында ТИМдин маалымат кызматынан кабарлашты.

Кечээ Шаржада Дубайдагы КРдин башкы консулу Айбек Маматбеков аталган шаардын Соода-өндүрүш палатасынын төрагасы Абдалла Султан Аль-Увейс менен кызматташуу тармактарын талкуулаган.

"Абдалла Султан Аль-Увейске Air Arabia авикомпаниясы менен кыргыз тараптын сүйлөшүүсү тууралуу маалымат берилди. Кеп жай айында "Шарджа — Бишкек" жана "Шарджа— Ош" аба каттамдарын ачуу туурасында болду", — деп айтылат маалыматта.

Учурда Бирикен Араб Эмирлигине (Бишкек— Дубай) учкан бир гана аба каттамы бар.

Мындан бир нече ай мурда премьер-министр Сапар Исаков жетектеген делегация Дубайдагы коопсуздук боюнча "Көз" долбоору менен таанышкан.

Тема боюнча

Дубайлык компания Бишкекке мейманкана жана бизнес борборун курууга кызыкдар
Дубай полициясына суктанган Сапар Исаков, оозду ачырган "Көз" долбоору
Белгилер:
сүйлөшүүлөр, аба каттамы, Бишкек, Дубай, Кыргызстан, Бириккен Араб Эмирлиги

ЭҢ МААНИЛҮҮ