15:37 30 Жетинин айы 2021
Түз эфир
  • USD84.8000
  • EUR95.6332
  • RUB1.1309
Коом
Кыскача шилтеме алуу
Кыргыздын көркөм өнөрү, белгилүү инсандары жөнүндө фактылар (417)
125111

Бүгүн белгилүү режиссер, сценарист Актан Арым Кубаттын туулган күнү. "Кентавр" фильми менен дүйнөнү кезип жүргөн киночу 61 жашка толду.

Sputnik Кыргызстан агенттиги тасмалары менен дүйнөнү багындырган продюсер тууралуу кызыктуу фактыларды сунуштайт.

Өз ата-энесин кийин билген… Актан Арым Кубат 1957-жылы 26-мартта Чүй облусунун Сокулук районундагы Күн-Туу айылында жарык дүйнөгө келген. Балалыгы ошол айылда өтүп, таякесинин колунда өскөн. Апасы аны кичинекй кезинде эле бир тууган агасына берип койгон. Өспүрүм өзүнүн ата-энеси бар экенин кийин билген.

Кыргызский режиссер Актан Арым Кубат
© Фото / из личного архива Актана Арым Кубата
Актан Арым Кубат тасмаларынын көбүн жеке жашоосунун негизинде тарткан

Сүрөтчүлүктөн киного… Айылдагы мектепти аяктагандан соң Фрунзе шаарындагы Чуйков атындагы көркөм сүрөт училищесинде билим алып, ал жакта сүрөт жана чийүү боюнча мугалим болуп чыккан. Эмгек жолун 1981-жылы "Кыргызфильмде" сүрөтчү-декаратор, ассистент кызматынан баштаган. Ал жакта иштеп жүрүп биринчи "Жолбун ит" даректүү тасмасын көрүүчүлөргө сунуштайт. Кийин "Үйүң кайда, үлүл?", "Свет-аке", "Селкинчек", "Беш кемпир", "Келин" жана "Маймыл" аттуу фильмдерин жаратып, бир топ эл аралык сыйлыктарга жетишкен.

Кентавр… Токтогул атындагы мамлекеттик сыйлыктын лауреаты өзүнүн чыгармачылык жолунда 20га жакын кыска жана толук метраждуу тасма тарткан. Андан сырткары, казакстандык киночулардын чакыруусу менен көп жыл коңшу өлкөдө дагы иштеген жайы бар. Азыр "Кентавр" тасмасы менен дүйнө кезип жүргөн учуру. Эмгеги дүйнөнүн онго жакын өлкөсүндө көрсөтүлүүдө.

Таксист режиссер. Өлкө эгемендик алган жылдары маданият тармагы дагы катуу аксаган. Ошол учурда КРдин эл артисти борбор калаанын четиндеги айылда мал багып, шаарда жумуштан чыгып алып таксист болуп иштеп үй-бүлө багуунун камын көргөн. Европа киноискусство академиясынын мүчөсү жубайы менен эки кыз, бир уулду тарбиялап өстүргөн. Кыздары чыгармачылыктан алыс. Ал эми уулу Мирлан Абдыкалыков "Сүтак" тасмасы менен эл аралык сыйлыктарды багындырып, ата жолун улап келүүдө.

Кыргызский режиссер Актан Арым Кубат во время съемок
© Фото / из личного архива Актана Арым Кубата
КРдин эл артисти Актан Арым Кубат уулу Мирлан Абдыкалыков менен

Эки атанын уулу. Режиссердун мурдагы аты-жөнү Актан Абдыкалыков. Бирок ал башка үй-бүлөдө өскөндүгүнө байланыштуу эки атанын тең атын алып жүрүүнү туура көргөн. Арым — анын өз атасы болсо, Кубат — багып алган атасынын ысымы.

Тема:
Кыргыздын көркөм өнөрү, белгилүү инсандары жөнүндө фактылар (417)

Тема боюнча

"Кентавр" Бельгия менен Нидерландда прокатка чыкты
Куруучу, режиссер, депутат... Садык Шер-Нияз тууралуу 5 факты
Белгилер:
Кыргызстан, Актан Арым Кубат, режиссер, тасма

ЭҢ МААНИЛҮҮ