Депутат Дамирбек Асылбек уулунун кайда камалганы белгилүү болду

© Фото / пресс-служба ЖКЖК депутаты Дамирбек Асылбек уулу
ЖК депутаты Дамирбек Асылбек уулу - Sputnik Кыргызстан
Жазылуу
Кыргызстандыктарга эки берене боюнча айып тагылууда

БИШКЕК, 20-фев. — Sputnik. Алматы шаарында кармалган Кыргызстандын үч жараны Казакстандын улуттук коопсуздук комитетинин тергөө абагында. Бул тууралуу Алматы шаардык сотунун маалымат кызматы Sputnik Кыргызстан агенттигине билдирди.

Кыргызстандыктар эки айга камалган.

"Баш коргоо чарасы боюнча чечим 17-февралда кечинде кабыл алынып, Кыргызстандын үч жараны учурда Казакстандын Улуттук коопсуздук комитетинин Алматыдагы тергөө абагында", — деп соттон маалымдашты.

ЖК депутаты Дамирбек Асылбек уулунун архивдик сүрөтү - Sputnik Кыргызстан
Казакстанга Азиядан күмүш алып берген депутат Дамирбек Асылбек уулу тууралуу 7 факты
Камакка алынган кыргызстандыктар Казакстандын Кылмыш жаза кодексинин 234-беренесинин 3-бөлүгүнүн 2-пункту (экономикалык аткезчилик) жана 264-берененин 2-бөлүгү (трансулуттук уюшкан кылмыштуу топту түзүү, жетектөө) боюнча айыпталууда.

Буга чейин маалымдалгандай, 15-16-февралда Казакстанда атайын операция өтүп, 35 киши кармалган. Алардын арасында бажычылар, далдалчылар, ортомчулар, криминал жана укук коргоо органдарынын өкүлдөрү менен Кыргызстандын үч жараны болгон. Кийинчерээк кармалгандардын арасында депутат Дамирбек Асылбек уулу бар экени тастыкталган.

Казак соту колго түшүрүлгөндөрдүн 33үн камакка алуу чечимин чыгарды. Ал эми Кыргызстандын Башкы прокуратура 19-февралда Казакстандын Башкы прокуратурасына сурам жиберген.

Жогорудагы атайын операциянын видеосу.

Жаңылыктар түрмөгү
0