10:22 09 Бештин айы 2019
Түз эфир
  • USD69.8490
  • EUR77.5883
  • RUB1.0962
Медреселе окуган балдар. Архивдик сүрөт

Булан институту: медреседе окугандардын басымдуу бөлүгү көп балалуу үй-бүлөдөн

© AFP 2019 / FARSHAD USYAN
Коом
Кыскача шилтеме алуу
11001

Медреседе окуган балдардын, улан-кыздардын ата-энелеринин 60 пайызы орто билимдүү экендиги белгилүү болгон

БИШКЕК, 8-янв. — Sputnik. Чүй облусу менен Бишкектеги медреселердин окуучуларына жасалган сурамжылоого катышкандардын 70 пайызы светтик сабактардын медреседе өтүшүнө макул экендигин айтышкан. Аталган сурамжылоону Булан институту жүргүзүп, ага 87 бала катышкан.

Андан сырткары, окуучулардын канча бир тууган экендиги жана алардын ата-энесинин билим деңгээли тууралуу маалыматтар сунушталган.

Медреседе окуган балдардын, улан-кыздардын ата-энелеринин 60 пайызы орто билимдүү, 10 пайызы атайын орто, 30 пайызы жогорку билимдүү болуп чыккан.

"Үй-бүлөдө канча бир туугансың?" деген суроонун жыйынтыгы боюнча студенттердин 5 пайызы үч бир тууган, 15 пайызы — төрт, 45 пайызы — беш, 20 пайызы — алты, 10 пайызы — жети бир тууган экени маалым болду", — деп айтылат отчетто.

Сурамжылоонун жыйынтыгында окугандардын басымдуу бөлүгү көп балалуу үй-бүлөдөн экендиги анык болгон.

"Медресени аяктагандан кийинки планың кандай?" деген суроого 40 пайыз бала чет өлкөлөрдөн диний билимин улантууну, 25 пайызы дин жаатында (мечиттерде, медреселерде) иштөөнү, 5 пайызы дааватка чыгарын билдирген. Ал эми 30 пайызы жогорку окуу жайларына тапшырууну каалай турганын айткан.

Тынчтык инновациялары боюнча Булан институту – Кыргызстанда светтик жана диний билим берүү системасын реформалоо боюнча иш алып барган бейөкмөт уюм.

Тема боюнча

Медреселерде кесиптик билим алган жаштар иштей баштады
Баткенде жаңы окуу жылына карата медреселер текшерилип жатат
Белгилер:
сурамжылоо, билим, Булан институту

ЭҢ МААНИЛҮҮ