04:57 21 Жетинин айы 2017
Түз эфир
Учактан чыгып жаткан жүргүнчүлөр. Архив

Кыргызстан кышта Өзбекстандан туристтерди күтөт. Атайын аба каттам ачуу пландалууда

© Sputnik / Табылды Кадырбеков
Коом
Кыскача шилтеме алуу
91 0 0

Бүгүнкү күндө Ташкент — Тамчы түз аба каттамы иштеп жатат

БИШКЕК, 15-ноя. — Sputnik. Кыш мезгилинде Өзбекстандан Кыргызстанга түз чартердик каттам ачуу боюнча сүйлөшүүлөр жүрүп жатат. Бул туурасында Туризм департаментинин директору Азамат Жаманкулов маалымат жыйын учурунда билдирди.

Анын айтымында, бүгүнкү күндө Ташкент — Тамчы түз аба каттамы иштеп жатат.

"Учурда чартердик каттам ачуу боюнча сүйлөшүүлөр жүрүүдө. Эгер муну Ташкент пайдалуу деп тапса долбоор жүзөгө ашат. Буга коңшу тарап дагы абдан кызыкдар экенин көрүп турабыз. Долбоор ишке ашкандан кийин Ысык-Көлгө ден соолугун чыңдоо үчүн Өзбекстандын ири ишканаларынын жумушчулары келиши мүмкүн. Ошондой эле күз, кыш, жаз мезгилдеринде өзбек спортчулары да келип машыгууларды өткөрсө болот. Бул аралыкта биз авиабилеттин баасын арзандатабыз", — деди Жаманкулов.

Ошондой эле 1990-жылы үзүлгөн туристтик агымды кайра жандандыруу аракеттери көрүлүп жатканын кошумчалады.

Маалымат жыйын Sputnik Кыргызстан агенттигинин мультимедиалык маалымат борборунда өттү.

Тема боюнча

Кыргызстан менен Өзбекстан бири-бирине өнөр жай товарларын көрсөттү
Атамбаев Өзбекстандын тышкы иштер министрин кабыл алды
Белгилер:
каттам, туризм, Өзбекстан, Ысык-Көл облусу
Колдонуу эрежелериПикирлер

ЭҢ МААНИЛҮҮ