Кыргызстанда түшүмү аз жайыттарды бакчага айлантуу сунушталды

© Sputnik / Виталий Тимкив / Медиабанкка өтүүАлма багы. Архив
Алма багы. Архив - Sputnik Кыргызстан
Жазылуу
Депутат көбүнесе жер маселесине тиешелүү мыйзамдарга басым жасады

БИШКЕК, 28-окт. — Sputnik. Түшүмдүүлүгү кыскарган жайыт жерлерди бакчага айлантуу шарты менен калоочуларга берүү демилгеси көтөрүлүүдө. Жер кодексине өзгөртүү киргизүү каралган тиешелүү мыйзам долбоору коомдук талкууга коюлду.

Бизнесмен, владелец теплиц Тилек Токтогазиев - Sputnik Кыргызстан
Ийгиликке кантип жетип, кантип көп акча табуу керек. Ишкерден 8 кеп-кеңеш
Демилгечи депутат Мирлан Бакиров Кыргызстанда 500 миң гектар жайыт жердин түшүмү аз экенин, бул аянттарды өздөштүрүү зарыл болгону менен жергиликтүү бийлик тарабынан бут тосуулар болуп жатканын белгиледи. Мындан улам эл өкүлү бир катар укуктук-нормативдик актыларды киргизип, аталган жер аянттарын ижарага же кайтарымсыз жеке менчикке өткөрүп берүү маселесин көтөрүп чыккан. Мында дыйкандар алган жерди бакчага айлантуусу шарт.

"Бюджетке түшчү каражат 15 эсеге көбөйөт. Ушу тапта бир гектар жер үчүн салыктын орточо коюму 12 сом, ал эми көп жылдык өсүмдүктөр өстүрүлсө гектарына 205 сом алынат. Эгер 1000 гектар жер өздөштүрүлсө салыктын көлөмү 12 миңден 205 миң сомго чейин өсөт. Мында түшүмдү аз берген жер аянттары тууралуу сөз болуп жатат", — деп айтылат мыйзам долбоордун негиздемесинде.

Депутат, мындан тышкары, мыйзам долбоору кабыл алынса түшүмдүүлүк жогорулай турганын белгиледи.

Жаңылыктар түрмөгү
0