БИШКЕК, 6-окт. — Sputnik. Президенттик шайлоодо чет жактагы мекендештердин 18 миң 580ни гана добуш берет. Бул тууралуу мамлекеттик каттоо кызматы билдирди.
Мамкаттоо Тышкы иштер министрлигине чет жактагы 37 шайлоо участкасы үчүн жабдуу тапшырганын айтып, шайлоочулардын саны эмне үчүн мынчалык аз экенине түшүндүрмө берди.
"Биринчиден, жаран консулдук каттоого туруп, биометрикалык маалыматтарын тапшыруусу керек. Эгер ал биометрикалык маалыматтарын Кыргызстанда тапшырса №2 формасын толтуруп, консулдук каттоого турушу кажет", — деп айтылат маалыматта.
Жогорудагыдай процедуралардан улам добуш бергиси келген жарандардын саны аз экенин мекеме баса белгиледи.
2015-жылы парламенттик шайлоого чет жактагы 15 миң 312 киши гана добуш берген.
