Ботаникалык бактын директору такай болуп жаткан өрттөн улам кызматтан алынды

© Фото / сайт Ботанического сада им. Э.З. ГарееваДиректор Ботанического сада имени Гареева Медет Ахматов
Директор Ботанического сада имени Гареева Медет Ахматов - Sputnik Кыргызстан
Жазылуу
Июль жана август айларында ботаникалык бактын аймагында сегиз жолу өрт чыккан

БИШКЕК, 13-сен. — Sputnik. Бишкектеги Энвер Гареев атындагы Ботаникалык бактын директорунун милдетин аткаруучу Медет Ахматов кызматтан алынганын өкмөттүн маалымат кызматы билдирди.

Премьер-министр Сапар Исаков мындай чечимди өрттүн себебин аныктаган иликтөөнүн жыйынтыгынан кийин кабыл алган. Өкмөттүн маалымат кызматы тараткан билдирүүгө ылайык, июль, август айларында сегиз жолу өрт катталган. Тилсиз жоо негизинен элдин тамекинин калдыгын ыргытканынан улам келип чыккан.

"Ботаникалык бактын жетекчилиги тарабынан Экологиялык жана техникалык коопсуздук мамлекеттик инспекциясынын берген эскертүүлөрү аткарылган эмес. Аймакты өз убагында сугарбоо тез кургоого алып келип, куурап калган чөптөр чабылып, тазаланган эмес", — деп айтылат маалыматта.

Учурда Ботаникалык бакты калыбына келтирүү боюнча зарыл чаралардын план долбоору иштелип чыгууда. Ал эми Улуттук илимдер академиясы Ботаникалык бактын аймагына чоочундарды киргизбөө боюнча аракеттерди көрүп, күзөтүүнү күчөтөт.

Жаңылыктар түрмөгү
0