03:10 10 Баш оона 2020
Түз эфир
  • USD77.0500
  • EUR91.1694
  • RUB1.0463
Коом
Кыскача шилтеме алуу
Өмүрбек Текебаев камакка алынды (110)
95 0 0

Райондук сот Текебаев менен Чотоновду 8 жылга эркинен ажыраткан

БИШКЕК, 25-авг. — Sputnik. Жогорку Кеңештеги "Ата Мекен" фракциясынын лидери Өмүрбек Текебаев менен мурдагы элчи Дүйшөн Чотоновдун ишин Бишкек шаардык соту 5-сентябрда карай турганын алардын жактоочулары билдирди.

Маалыматка ылайык, сот иши 5-сентябрга белгиленсин деп Башкы прокуратура шаардык сотко кайрылган. Бирок жактоочулар сот ишинин датасы боюнча шаардык сотко алар кайрылышы керектигин айтышып, Башкы прокуратура мөөнөттү кыскартуу үчүн ушундай кадамга барып жатканын белгилешти.

Эске салсак, Бишкектеги Биринчи Май райондук соту 16-августта Өмүрбек Текебаев менен Дүйшөнкул Чотоновду 8 жылга кесип, мүлкүн мамлекетке чегерүү боюнча чечим кабыл алган.

Эскерте кетсек, 2017-жылдын 25-февралында Башкы прокуратура "Ата Мекен" фракциясынын лидери Өмүрбек Текебаевге жана башка адамдарга карата КР Кылмыш жаза кодексинин 303-беренесинин 1-бөлүмү (коррупция) жана 166-беренесинин 4-бөлүмүнүн 2-3-пункттарында (алдамчылык) камтылган белгилер боюнча кылмыш ишин козгоп, анын алкагында Текебаев менен Чотонов кармалган. Текебаев Россиялык ишкерлерден "Альфа Телеком" (Megacom) компаниясын алардын пайдасына чечип берүү үчүн 1 миллион доллар пара алган деп айыпталууда.

Аталган каражат мурдагы өзгөчө кырдаалдар министри Дүйшөн Чотоновдун айылдаш таанышы, кийин көзү өтүп кеткен Талант Маматкеримов аркылуу алынганы тергөөдө айтылган.

Тема:
Өмүрбек Текебаев камакка алынды (110)

Тема боюнча

Сот Текебаевдин чогулткан кол тамгасын талапка жооп бербейт деп тапты
Шайлоо-2017: Текебаев кыргыз тилинен тест тапшырды
Текебаевди соттогон Айбек Эрнис уулу тууралуу 8 факты
Белгилер:
сот, Дүйшөнкул Чотонов, Өмүрбек Текебаев

ЭҢ МААНИЛҮҮ