БИШКЕК, 15-авг. — Sputnik. Шейшемби күнү борбор калаанын айрым бөлүктөрүндө жарык өчүрүлөт. Бул тууралуу "Түндүкэлектр" ачык акционердик коомунун маалымат кызматы кабарлады.
Билдирүүгө ылайык, 15-августта Бишкек шаарындагы Киргизия-1 жана Красный жаңы конуштарынын айрым жеринде электр энергиясы жок болот.
Андан сырткары, оңдоо иштерине байланыштуу Ахунбаев, Малдыбаев, Тыныстанов, Абай, Белгородский, Тыналиев, Масалиев, Фрунзе, Манас, Рыскулов жана Турусбеков көчөлөрүндө дагы жарык берүү үзгүлтүккө учурайт.
