БИШКЕК, 17-май — Sputnik. Ысык-Көл облусундагы Каракол шаары КМШ ичинде жайында активдүү эс алууга ыңгайлуу болгон алдыңкы беш калаанын катарын толуктады. Бул тууралуу ТурСтат аналитикалык сайтынын рейтингинде айтылат.
Караколго келгендер тоо жүрүшкө чыгып, тоо велосипедин (маунтинбайк) тээп, ат минип жана SPA, фитнес салондорунда ден соолуктарын чыңдай алат.
12 Чын Куран 2017, 14:23
КМШ мамлекеттеринин ичинен россиялык туристтер жайында эс алгысы келген тоо курортторунун тизмесине Чимбулак (Казакстан), Шахдаг (Азербайжан), Цахкадзор (Армения), Чимган (Өзбекстан) жана Каракол (Кыргызстан) кирген.
Рейтинг мейманканадан орундарды онлайн түрдө алдын ала ээлөө аракеттеринин жыйынтыгында чыгарылган.
ТурСтат сайтынын маалыматына караганда туристтер тоо курортторунда орточо эсеп менен 7 күн эс алат.
Каракол менен Чимганда эс алуу суткасына 70 доллардан айланса, эң кымбаты Чимбулак, бул жерде эс алуунун баасы 100 доллардан жогору. Ал эми Шахдаг менен Цахкадзордо 80 долларды түзөт.
