01:10 21 Кулжа 2018
Түз эфир
  • USD68.3076
  • EUR78.9465
  • RUB1.0737
ИИМдин Кайгуул милициясынын башкы башкармалыгы тарабынан алынган видеодон бир кадр

Унааны учуруп айдаардан мурда, бул роликтерге көз салып коюңуз

© Фото / пресс-служба ГУПМ МВД КР
Коом
Кыскача шилтеме алуу
277930

Кайгуул милициясы автоунааны жоопкерчиликсиз айдоонун кесепети эмнеге алып келээрин эскертүү иретинде атайын видеоролик даярдаган.

БИШКЕК, 8-май — Sputnik. Жыл башынан тарта Кыргызстанда жол кырсыктарынан 148 адам көз жумган. ИИМдин Кайгуул милициясынын башкы башкармалыгы руль башкаргандарга автоунааны жоопкерчиликсиз айдоонун кесепети эмнеге алып келээрин эскертүү иретинде атайын видеоролик даярдаган. 

Бир роликтин сюжетинде киши маанайы жаман тейде рулга отуруп катуу ылдамдык менен учуруп айдап бара жатып, инспектордун токто деген белгисин тоготпой өтүп, бакты сүзүп каза табат. Трагедия аялы менен уулунун көз алдында болот. Энесин жооткотуп жаткан бала, аны эч качан таштап кетпестигине убада берет. 

Экинчи бир видеодо жыл ичиндеги болгон жол кырсыгынын төбө чачты тик тургузган статистикасы айтылат. Үчүнчү ролик автокырсыктан каза тапкандардын сүрөтүн көтөрүп турган жакындары айдоочуларды абайлап айдап, сак болууга чакырат. 

Мас болуп алып автоунаа айдаган учурлар арбын эле кездешип келет. Ичке бир нерсе кирген соң алар жол чырактын тыюу салган белгисине карабай айдашат. Жол кесилиштеринен эрежени эске албай өтүп, кээ бир учурларда жолдун каршы тилкесине чыгып айдагандар да көп. Бул учурда рулда отургандар жол белгилерин, тыюу салынган учурду капарына алып койбогондугун Кайгуул милициясынын маалымат кызматы белгилейт.

"Өзгөчө өкүнүчтүүсү, айдоочулар жол кырсыгын кудай сактасын деген адат менен тоготпой өтүп кетишет. Анын кесепети — жүрөктү эзген трагедия, өчкөн өмүрлөр. Өзүңдүн адатыңды, тартибиңди жана жолдогу коопсуздукка мамилени башкача кылып өзгөртүүгө убакыт келип жетти ", — деп айтылат маалыматта. 

Ички иштер министри Улан Исраилов буга чейин бул жылдын үч айынын ичинде Кыргызстанда 1 169 авария болгондугун маалымдаган. Анын кесепетинен 148 өмүр кыйылса, сегизи балдар болгон. 1 686 киши жаракат алса, анын 221 кичинекейлер экендиги айтылган. 

Жол кырсыгынын негизги себептери — жогорку ылдамдыкта айдоо жана каршы тилкеге чыгып кетүү деп билдирди Кайгуул милициясынан.

Тема боюнча

Кайгуул милициясы үч саатта Бишкекте жасалган оор кылмыштын бетин ачты
Атамбаев Коопсуздук кеңешине жол кырсыктарын кыскартуу тапшырмасын берди
Белгилер:
ролик, жол кырсык, Кайгуул милициясы, Улан Исраилов
Колдонуу эрежелериПикирлер

ЭҢ МААНИЛҮҮ