БИШКЕК, 25-апр. — Sputnik. Мэрия салык органдары жана Кайгуул милициясы менен биргеликте калаадагы такси кызматынын айдоочуларын текшерүү максатында атайын рейд өткөрөт. Бул тууралуу мэриянын маалымат кызматы кабарлады.
Шейшемби күнү Октябрь райондук администрациясы такси кызматын көрсөткөн фирмалардын өкүлдөрү жана Айдоочулар ассоциациясы менен жыйын өткөргөн.
Анда шаарда жүргүнчүлөрдү ташуу боюнча азыркы кырдаал талкууланып, салык мыйзамын сактоо жана такси кызматын жакшыртуу сунуштары каралган.
Текшерүү учурунда айдоочулардын патентинин бар-жогу, такси кызматкерлеринин шаар тургундарына жана конокторуна көрсөткөн кызматы жана унаага салык төлөгөн-төлөбөгөнү текшерилет. Рейддин мөөнөтү учурда такталып жатат
