07:24 30 Чын Куран 2017
Түз эфир
Сотрудники милиции на месте оцепления здания компании Sapatcom в Бишкеке

Мүлк фонду Sapat Center борборунун мамлекетке өтүшүнө түшүндүрмө берди

© Sputnik / Табылды Кадырбеков
Коом
Кыскача шилтеме алуу
21930

Милиция эртең менен имаратты курчоого алып, эч кимди киргизген эмес.

БИШКЕК, 21-апр. — Sputnik. Sapat Center бизнес-борбору эмне үчүн мамлекеттин менчигине өткөнү боюнча Мамлекеттик мүлк фонду түшүндүрмө берди.

Белгилей кетсек, борбордун имаратын эртең менен милиция курчоого алып, ичине эч кимди киргизген эмес. Буга андагы ижарачылар нааразычылыктарын билдиришкен.

Маалыматка караганда, Ленин райондук сотунун 2013-жылы 29-июлдагы чечимине ылайык, Кожебергеновго, Корниенкого, Сыдыковго, Токтобековго, Бейшенбаевге, Түлеевге жана анын туугандарына таандык имараттар мамлекеттин карамагына өткөрүлгөн.

Кийин Бишкек шаардык соту райондук соттун чечимин күчүндө калтырган. 2015-жылы Жогорку Сот дагы эки инстанциянын өкүмүн өзгөрткөн эмес. Буга байланыштуу Бишкек шаарынын Биринчи Май райондук сотунун өкүлдөрү чечимдин ишке ашышын көзөмөлдөй баштаган.

2016-жылдын 16-майында Фондго сот аткаруучудан камакка алынган кыймылсыз жана кыймылдуу мүлктөрдү мамлекеттин менчигине алуу боюнча талап келип түшкөн. Анын ичинде Бишкек шаары Манас проспектиси 101 дарегиндеги имарат (Sapat Center) дагы бар.

Мамлекеттик мүлк фонду Биринчи Май райондук сотунун талабын каттоого алган.

Фонд мамлекеттин карамагына алынышы керек болгон мүлктү тактоо үчүн Ленин райондук сотуна кайрылган. Райондук сот 2013-жылы чыккан өкүмдүн негизинде аталган мүлктөр мамлекеттин балансына өтө турганын тактап берген.

Фонд имараттын ээлерине аны бошотуу боюнча кайрылышканы менен ушул күнгө чейин чечимди аткарбай келишкени маалыматта белгиленген.

Тема боюнча

Милиция Бишкектеги Sapat Center имаратын курчоого алды
Бишкектин мурунку мэри Нариман Түлеев абактан чыкты
Белгилер:
Мамлекеттик мүлктү башкаруу фонду, Нариман Түлеев, Кыргызстан

ЭҢ МААНИЛҮҮ