БИШКЕК, 20-мар. — Sputnik. YouТube видеосервисинин администрациясы кыргызстандык блогер Курман Жолдошевге "Алтын кнопка" сыйлыгын тапшырды. Бул тууралуу Sputnik Кыргызстан агенттигине Жолдошев өзү билдирди.
"Миллиондук аудиторияны мен былтыр чогултуп алгам. Азыркы учурда менин каналыма жазылгандардын саны эки миллионго жетип калды" – деди блогер.
Өзүнүн айтымында ал YouТube тармагынан каналдарды 2010-жылдан тарта ача баштаган. Өз аты менен катталган негизги аккаунтунан тышкары, дагы бир нече каналга видео жүктөп турат.
Аталган сыйлык өз каналына бир миллиондон ашык колдонуучуларды топтогон адамдарга берилет. Мындан тышкары, "Күмүш кнопка" (жүз миң колдонуучу) жана "Бриллиант кнопка" (10 миллион колдонуучу) сыйлыктары бар.
