БИШКЕК, 24-фев. — Sputnik. Үч жаштагы Айназик Турдалиеванын өмүрүн сактап калуу үчүн үч күндүн ичинде операцияга зарыл болгон 600 миң сом чогултуу зарыл экенин наристенин дарыгери Агзам Данияров билдирди.
Анын айтымында, Айназикке буга чейин төрт операция жасалган, бирок алар жыйынтыгын берген жок. Тескерисинче, операциядан кийин акыбалы начарлап кетти.
Эми кызга Москва шаарындагы профессор Алексей Смирновдун клиникасында операция жасатуу пландалууда.
"Ал ооруканада кайра жандандыруу бөлүмүнө дагы акча төлөнгөндүктөн, операцияга жалпысынан 500 миң рубль акча (сом менен 600 миң) кетет дешти. Учак билеттерин төлөп беребиз дегендер табылды. Кыргызстандан бир нече, Россиядан бир фонд жардам кылууга даярдыгын билдиришти. Бирок ал акчалар дагы жетпей жатат", — деди Данияров.
Дарыгер Айназиктин үй-бүлөсү жардам берүүнү каалагандар үчүн "Элсомдон" кыздын агасынын атына эсеп ачканын билдирди. Номуру 0702-89-09-14.
Ошондой эле дарыгердин өзү менен 0557-03-08-64 номери аркылуу байланышса болот.
