БИШКЕК, 20-янв. — Sputnik. Нарын облусунун Кочкор районундагы мектеп окуучулары мушташып, бирөө каза болгондон кийин райондук билим берүү бөлүмүнүн башчысы кызматтан алынганын Билим берүү жана илим министрлиги билдирди.
Белгилей кетсек, учурда билим берүү министри Гүлмира Кудайбердиева иш сапары менен Нарын облусунда жүрөт. Министр Кочкор, Ак-Талаа, Нарын райондорундагы жана Нарын шаарындагы мектептерди кыдырды.
"Министр окуучулар бычакташкан мектепте дагы болуп, жабыр тарткан окуучунун абалы менен ооруканадан таанышты", — деп айтылат маалыматта.
Министр окуучулардын мушташы боюнча Кочкор районунун акими менен чогуу жыйын өткөрүп, мектептеги тарбия иштеринин начардыгы жана ата-энелер менен иштөө анчейин эместигин баса белгиледи.
Ошондой эле Кыдыралиев атындагы мектептин директорун кызматынан четтетүү тапшырылган.
