https://sputnik.kg/20211129/partiya-talapker-nomer-dal-keluu-1054793708.html

Баарыбыз адаштыкпы? Партиянын номерине дал келген талапкерлер алдыга чыкканда

Баарыбыз адаштыкпы? Партиянын номерине дал келген талапкерлер алдыга чыкканда

Sputnik Кыргызстан

Кыргызстандын шайлоочулары өзү каалаган партияны туура тандаганы менен талапкердин номерине келгенде адашып калгандай. 29.11.2021, Sputnik Кыргызстан

2021-11-29T12:56+0600

2021-11-29T12:56+0600

2021-12-15T23:01+0600

жаңылыктар

кыргызстан

саясат

шайлоо

добуш

адашуу

жогорку кеңешке жаңы тартип менен болчу шайлоо

жогорку кеңешке шайлоо 2021

https://sputnik.kg/img/07e5/0b/1d/1054792985_0:96:3303:1953_1920x0_80_0_0_577586badb5a7ea29d1554b3377510a1.jpg

БИШКЕК, 29-ноя. — Sputnik. Жогорку Кеңештин депутаттарын шайлоо жаңы эреже менен өткөндүктөн шайлоочулар талапкерлерге добуш берүүдө адашып калышы мүмкүнбү? Бул суроого Sputnik агенттигинин кабарчылары жооп издеп көрдү.Белгилей кетсек, быйыл Жогорку Кеңешке шайлоо жаңы схема менен өттү. 54 талапкер тизме менен шайланып, 36 талапкер бир мандаттуу округ менен келе жатат. Жалпы 21 партия ат салышты.Партиялык тизме боюнча шайлоодо жарандар мурдагыдай партияга гана эмес, партиянын катарындагы өзү жактырган талапкерге дагы добуш бериши керек болду. Бирок мында шайлоочулар өзү каалаган партияны туура тандаганы менен талапкердин номерине келгенде адашып калгандай. Тагыраагы, шайлоочулар партия канчанчы тизмеде болсо, талапкерди тандоодо дагы ошол эле санды белгилеген болушу мүмкүн. Себеби так ошол сандагы талапкерлер алдыңкы сапка чыкканын көрүүгө болот. Мисал келтирели:Бюллетенде 21-катарда турган "Ата-Журт Кыргызстанды" алып көрөлү. Бул партиянын 21-саптагы талапкери Фархат Исмаилов элдин басымдуу добушун алып, экинчи сапта турат."Ыйман нуру". Бул партия бюллетенде 5-сапта турган. Мында дагы № 5 талапкер Султанбай Айжигитов добуш алуу боюнча экинчи орунда турганын көрүүгө болот."Жашасын Кыргызстан" бюллетенде 13-сапта жайгашкан. Мында дагы № 13 талапкер Виталий Крепышев шайлоочулардын басымдуу бөлүгүнүн добушун алып, биринчи орунду ээлеген."Социал-демократтар" бюллетенде 14-сапта турат. № 14 талапкер Нурбек Касымбеков дагы көп добуш алып, экинчи орунга чыккан.Мындай көрүнүштү дээрлик бардык партиялардан байкоого болот. Кызыксаңыз, Sputnik агенттигинин сайтындагы маалыматтарга таянып текшерип көрсөңүз болот. Бул үчүн инфографиканы жана партиялардын тизмеси жазылган маалыматтарды пайдалансаңыздар болот.

https://sputnik.kg/20211129/bshk-kol-menen-ehseptoo-bashtaldy-1054792851.html

2021

Жаңылыктар

kg_KG

жаңылыктар, кыргызстан, саясат, шайлоо, добуш, адашуу, жогорку кеңешке жаңы тартип менен болчу шайлоо, жогорку кеңешке шайлоо 2021