19:36 17 Аяк оона 2021
Түз эфир
  • USD84.7772
  • EUR99.8421
  • RUB1.1684
Саясат
Кыскача шилтеме алуу
"Кумтөргө" 3 миллиард доллар айып салынышы (100)
404 0 0

Атайын кызмат алтын кенге байланышкан окуянын хронологиясына терең анализ жүргүзүп, иликтөөгө негиз болгон багыттарды аныктаган.

БИШКЕК, 8-июл. — Sputnik. УКМКнын төрагасы Камчыбек Ташиев "Кумтөр" долбоорун ишке ашыруудагы коррупциялык фактылар боюнча козголгон кылмыш ишинин алдын ала жыйынтыгы тууралуу маалымат берди.

Анын айтымында, атайын кызматтын адистери алтын кенге байланышкан окуянын хронологиясына терең анализ жүргүзүп, иликтөөгө негиз болгон багыттарды аныктаган.

1992-1994-жылдар. Канадалык Cameco компаниясы менен башкы макулдашуу түзүлгөн. Кызмат абалын кыянаттык менен пайдаланганы үчүн тунгуч президент Аскар Акаевге издөө жарыяланды. Экс-премьерлер Турсунбек Чыңгышев, Апас Жумагулов, "Кыргыз алтын" ишканасынын экс-президенти Дастан Сарыгуловго мөөнөтү өтүп кеткени үчүн ишти токтотууга макулдук берилди. Экономиканы өнүктүрүү жана реконструкциялоо комитетинин экс-төрагасы Борис Бернштейнге издөө жарыяланды.

"Ишти токтотууга макулдук берилди" деген эмне? Биз аларга өлкө үчүн пайдасыз келишим түзгөнүн далилдеп бергенден кийин күнөөлөрүн мойнуна алышты. Бирок иштин мөөнөтү өтүп кеткенине байланыштуу, күнөөсүн мойнуна алганына карабай кылмыш ишин токтотобуз", — деди Ташиев.

2003-жыл. Centerra Gold Inc. компаниясы менен келишим реструктуризацияланып, Кыргызстандын үлүшү 25,7 пайызга же 7,3 миллиард сомго азайган. Ташиевдин билдиришинче, дал ушул иш боюнча Аскар Акаевге издөө жарыяланды.

2009-жылдагы макулдашуу. Шектүүлөр:

  • Мурдагы президент Курманбек Бакиев — издөө жарыяланды;
  • Мурдагы президенттин уулу Максим Бакиев — издөө жарыяланды;
  • Экс-премьер Игорь Чудинов, "Кыргыз алтын" ишканасынын башкаруучулугунун экс-жетекчиси Алмаз Жакыпов — мөөнөтү өтүп кеткенине байланыштуу ишти токтотууга макулдук берилди;
  • Геология боюнча мамлекеттик агенттигинин экс-директору — издөө жарыяланды;
  • "Кыргыз алтындын" директорлор кеңишинин экс-төрагасы Алексей Елисеев — издөө жарыяланды;

2012-жыл. Centerra менен Кыргызстандын пайдасына чечиле турган сүйлөшүүнү үзгүлтүккө учуратуу. Шектелүүдө:

  • Жогорку Кеңештин экс-спикери, депутат Асылбек Жээнбеков — камакта;
  • ЖК депутаты Төрөбай Зулпукаров — камакта;
  • Экс-премьер Өмүрбек Бабанов — камакта;
  • Президенттик аппараттын экс-жетекчиси Данияр Нарымбаев — камакта;
  • ЖК депутаты Исхак Пирматов — камакта;
  • ЖК депутаты Талант Узакбаев — тергөө менен иштешүүгө макулдук берди;
  • ЖКнын экс-депутаты Алмаз Баатырбеков — тергөө менен иштешүүгө макулдук берди;
  • Өкмөттүн парламенттеги өкүлү Динара Молдошева — сыртка чыкпоо тууралуу тил кат менен бошотулган;

2014–2017-жылдар. Centerra менен стратегиялык макулдашуу түзүлүп, КРдин Суу кодексине өзгөртүү киргизилген. Экс-вице-премьер Тайырбек Сарпашев шектелүүдө. Ал тергөө менен макулдашканы үчүн үй камагына чыгарылган.

Учурда "Кумтөр" ишине катыштыгы бар адамдардын баарын аныктоо иштери жүрүп жатат. Анын алкагында мурдагы президент Алмазбек Атамбаевге, экс-премьер Сапар Исаковго, министрлерге жана башка ведомство жетекчилерине, Centerra компаниясынын жооптуу кызматкерлерине юридикалык баа берилет.

Насыя деген жүйө менен "Кумтөр голд компани" ишканасынан 500 миллион доллар чыгарып кетишкен. Ташиев аталган факты аныкталганын жана "бул каражатты уурдап кетишкен" деп билдирди. Буга катыштыгы бар адамдар такталууда. Алмазбек Атамбаевге, Сапар Исаковго, ошондогу министрлик, ведомство башчыларына, КГК менен Centerra компаниясынын кызматкерлерине юридикалык баа берилет.

УКМК министрлер кабинетине канадалык компания менен түзүлгөн Кыргызстандын кызыкчылыгына жооп бербеген бардык макулдашууларды жокко чыгаруу сунушун жөнөткөн.

Тема:
"Кумтөргө" 3 миллиард доллар айып салынышы (100)

Тема боюнча

Ташиев: Бабанов, Жээнбеков, Зулпукаровго эч ким тие албайт дешкен, биз камадык
Өлкөдө азыр бир да судья пара албай калды. Ташиевдин билдирүүсү

ЭҢ МААНИЛҮҮ