Мелис Мырзакматов: президент мага телефон чалган. Видео

© Sputnik / Эламан КарымшаковЭкс-мэр города Ош Мелис Мырзакматов
Экс-мэр города Ош Мелис Мырзакматов - Sputnik Кыргызстан
Жазылуу
Мурдагы мэр Мелис Мырзакматов ал Кыргызстанга келгенден кийин Жээнбеков аны менен өзү байланышка чыкканын кошумчалады.

БИШКЕК, 8-окт. — Sputnik. Ош шаарынын мурдагы мэри Мелис Мырзакматов президент Сооронбай Жээнбеков менен сүйлөшкөнүн журналисттерге билдирди.

Анын айтымында, Жээнбеков андан жардам сураган.

"Мен Кыргызстанга келгенден кийин Сооронбай Жээнбеков менен сүйлөштүм. Ал "Мелис, сен тажрыйбалуусуң. Өлкөнүн ынтымагына салымыңды кош" деп суранды", — деди Мырзакматов.

Экс-мэр Мырзакматов Жээнбеков аны менен өзү байланышка чыкканын кошумчалады.

Эске салсак, 7-октябрга караган түнү чет өлкөдөгү Мелис Мырзакматов Кыргызстанга келген. Анын аэропорттогу видеосу интернетке тараган. Ошол эле күнү ал эл алдына чыгып сүйлөгөн.

Мелис Мырзакматов 2014-жылдын ноябрында шаарды аралап өтчү асма көпүрөнү салууда коррупциялык иштерге барган деп айыпталып, издөө жарыяланган. Бирок бул убакта ал өлкөдөн чыгып кетүүгө үлгүргөн. Кийин 2015-жылдын июль айында жети жылга сыртынан кесилген.

Жаңылыктар түрмөгү
0