Жээнбеков президенттик ишинин негизги маңызы эмнеде экенин айтып берди

Жазылуу
Президентке 15-20 жылдан кийинки Кыргызстанды кандай элестетери жана баштаган иштеринин жыйынтыгы тууралуу суроо берилген.

БИШКЕК, 29-авг. — Sputnik. Президент Сооронбай Жээнбеков президенттик ишинин негизги маңызын атап, келечекте Кыргызстанды кандай элестетерин айтып берди.

Мамлекет башчы "Биринчи радиого" кезектеги маегин бергенин маалымат кызматы билдирди.

Анда президентке 15-20 жылдан кийинки Кыргызстанды кандай элестетери жана баштаган иштеринин жыйынтыгы тууралуу суроо берилген.

Жээнбеков президенттик ишиндеги артыкчылыктуу багыттары аймактарды өнүктүрүү, өлкөнү санариптештирүү, улуттун саламаттыгына түздөн-түз таасир эткен калкты таза суу менен камсыз кылуу, ирригацияны жакшыртуу экендигин белгилеген. 

Нарында 1,8 миллиард сомго бааланган канал курулат. Президент долбоорду көрдү

"Мекендештерим муну жакшы билишет. Колдоп жатышат, мен буга ыраазымын. Өзгөчө элет жериндеги жолугушууларда мына ушул багыттар, утурумдук эмес, сиз айткандай, 15-20 жылдан кийин да элибиздин турмушуна оң таасир берчү келечектүү, улуттук долбоорлор экенине ынанып жатам. Мен дагы бул багыттар боюнча иштер токтобойт, күчөйт деп элге жолукканда айтып жатам. Президенттикке койгондо дагы программам ушул болчу", — деди президент.

Жээнбеков: бирөөнү суракка чакырып, мени коргоого муктаж эмесмин

Ошондой эле ал ар бир жаран коопсуздугу бекем корголгон, сапаттуу медицина жана билим берүүгө мүмкүнчүлүгү бар, экологиялык таза азык-түлүк менен камсыздалган өлкөдө жашагысы келерин айтты.

"Азыркы кылып жаткан иш-аракетибиздин бардыгы жарандарыбыздын мына ушул тилегин ишке ашырууга багытталган. Бул менин ишимдин маңызы. Ошондуктан, албетте, азыркы президент катары да, жаран катары да Кыргызстанды мына ушундай бакубат өлкө болот деп ишенем", — деди Жээнбеков.

Мамлекет башчы бул үчүн болгон аракетин, мүмкүнчүлүгүн жумшап, күн-түн дебей талыкпай иштеп жатканын кошумчалаган.

Жаңылыктар түрмөгү
0