01:56 10 Баш оона 2020
Түз эфир
  • USD77.0500
  • EUR91.1694
  • RUB1.0463
Саясат
Кыскача шилтеме алуу
Шайлоо-2020 (41)
91 0 0

Жогорку Кеңештин депутаттарын шайлоо үчүн 2 400дөн ашык участок уюштурулуп, аларда 32 миңден ашык адам иштейт.

БИШКЕК, 11-июл. — Sputnik. Кыргызстанда күздө өтчү шайлоону уюштурууга сарпталуучу каражат болушунча кыскартылат. Бул тууралуу Борбордук шайлоо комиссиясынын маалымат бөлүмүнөн кабарлашты.

Билдирүүгө ылайык, БШК өлкөдөгү учурдагы эпидемиологиялык абалды эске алып бардык чыгымдарды эсептеп чыгат.

"КРдин 2020-жылга республикалык бюджети жана 2021-2022-жылдарга болжолу жөнүндө" кабыл алынган мыйзам боюнча шайлоого 732 миллион сом каралган. Айрым өнөктөштөрдүн колдоосу менен ал бюджет 95 миллион сомго азайды. Себеби БУУнун өнүктүрүү программасы, Япония өкмөтү бизге жардам берди. Андан сырткары, пландалган бир катар иш-чаралар коронавируска байланыштуу кыскартылып, адистерди окутуу, түшүндүрүү иштери алыстан электрондук форматта жүргүзүлүүдө. Бул чыгымдарды дагы азайтат", — деп жазылган маалыматта.

Ошондой эле аталган мекеме Жогорку Кеңештин депутаттарын шайлоо үчүн 2 400дөн ашык участок уюштурулуп, анда 32 миңден ашык кызматкер иштей тургандыгын кошумчалады.

Күздө өтчү шайлоодо 44 партия ат салышмай болду. Тизме

Буга чейин БШК шайлоого тиешелүү баннер, жабдуу, кеңсе товарларын аймактык шайлоо комиссияларына жана участокторго жеткирүүгө 21 миллион 121 миң 200 сомдук тендер жарыялаган.

Эскерте кетсек, Жогорку Кеңешке шайлоону 2020-жылдын 4-октябрына белгилөө тууралуу президенттин Жарлыгы 3-июлда күчүнө кирди.

Тема:
Шайлоо-2020 (41)

Тема боюнча

Кыргызстанда шайлоо камы башталды. Ким, эмнеге даяр болушу керек
Белгилер:
акча каражаты, шайлоо, БШК, Кыргызстан

ЭҢ МААНИЛҮҮ